Aurelio Sabbatini

Den Aurelio Sabbatini, gebuer den 20. Juli 1909 zu Esch-Uelzecht, an och do gestuerwen de 7. Juni 1987, war e lëtzebuergesche Sculpteur.

Aurelio Sabbatini
Gebuer	20. Juli 1909 Esch-Uelzecht
Gestuerwen	7. Juni 1987 Esch-Uelzecht
Nationalitéit	Lëtzebuerg
Aktivitéit	Sculpteur
Famill
Kanner	Bettina Sabbatini

Hien huet am Holz, Marber, Steen a Keramik geschafft. Hien hat d'Meeschterprüfung als sculpteur sur pierres.

1948 huet hien de Prix Grand-Duc Adolphe kritt.

Den Aurelio Sabbatini war mat der Agnese Brancaleone bestuet. Hie war de Papp vun der Bettina Sabbatini an der Béatrice Sabbatini.

Wierker (Auswiel)

Vun de "Bellunesi di Lussemburgo" gestëft

Torcular calcavit Dominus [virgini filiae Iuda]. De Relief "Christus dämmelt am Kelter" gouf 1957 baussen um 'alen' Tuerm vun der Schwéidsbenger Kierch ubruecht.

Relieffer zu Gron

• D'Monument fir den George S. Patton mam Aadler drop, um Patton Square zu Ettelbréck
• Reliefaarbechten un der Neier Bréck
• Reliefaarbechten um Escher Stadhaus
• Skulptur beim Fatima-Monument zu Wolz
• De Marienaltor an d'Relieffer am Steen un de Säitenaltär an der Grenzerkierch zu Esch
• "Wäimadonna" zu Schwéidsbeng (1955)
• D'Monument aux morts zu Luerenzweiler
• Vill Skulptur-Aarbechten a Kierchen an u Monument aux morts zu Lëtzebuerg
• Refliefaarbechte baussen un der Kierch zu Gron an der Provënz Belluno an Italien
• Eng Consolatrix afflictorum an der Kathedral vu Belluno, gestëft vun de Bellunesi di Lussemburgo (1972)

Gielercher

• Chevalier vum Ordre de Mérite du Grand-Duché de Luxembourg (Promotioun 1974)

Kuckt och

• Lëscht vu lëtzebuergesche Konschtschafenden