Wikipedia, déi fräi Enzyklopedie

Agence pour le développement de l'emploi

Verwaltung vum lëtzebuergesche Aarbechtsministère
(Virugeleet vu(n) ADEM)

D'Agence pour le développement de l'emploi, ofgekierzt ADEM oder Adem, ass dat lëtzebuergescht Aarbechtsamt.

Agence pour le développement de l'emploi
Logo vun der ADEM
Aarbechtsamt
Land Lëtzebuerg
Secteur Aarbechtsamt
Leedung Isabelle Schlesser
Verwaltungssëtz Hamm
Adress 13A, rue de Bitbourg L-1273 Lëtzebuerg-Hamm
Ënnersteet der/dem Aarbechtsministère
Gegrënnt 2. Mee 1913
Um Spaweck http://www.adem.public.lu/fr, https://adem.public.lu/de.html, https://adem.public.lu/en.html

D'ADEM ënnersteet dem Ministère fir Aarbecht, Beschäftegung a fir Sozial- a Solidarwirtschaft an huet hire Sëtz an der Stad Lëtzebuerg an huet regional Agencen zu Dikrech, Déifferdeng, Diddeleng, Esch-Uelzecht, Lëtzebuerg, Wolz a Waasserbëlleg.[1]

Geschicht an Direktioun

änneren

Mam Gesetz vum 2. Mee 1913 gouf d'Lëtzebuerger Regierung dozou autoriséiert Bureaux de placement opzemaachen[2] a mam Arrêté grand-ducal vum 21. August 1913, dee vum 1. Oktober 1913 u rechtskräfteg war, gouf de Beruff vum Placeur definéiert[3].

Den 30. Juni 1945 gouf per Arrêté grand-ducal den éischten Office national du travail geschaaft[4]. Dee gouf de mam Gesetz vum 21. Februar 1976 an Administration de l'emploi ëmgenannt[5] a krut mam Gesetz vum 18. Januar 2012 säin aktuellen Numm[6].

Am 21. Joerhonnert war de Jean-Marie Mousel bis zu sengem Doud den 29. Juni 2000 Direkter vun der ADEM. Seng Nofollgerin war Mariette Scholtus vun August 2000 bis Juni 2012. Si war déi éischt Fra un der Spëtzt vun enger grousser Lëtzebuerger Verwaltung an ass den 20. Juni 2012 wéinst Kritik un hirer Leedung ofberuff ginn[7].

Mat der Direktioun gouf dunn de Géry Meyers chargéiert, deen dem Personal de 5. Juli 2012 virgestallt gouf a seng Funktiounen den 1. September 2012 ugetratt huet[8],[9]. Offiziell aus perséinleche Grënn huet de Meyers am Mäerz 2013 ugekënnegt d'ADEM ze verloossen; hie gouf am Abrëll duerch d'Isabelle Schlesser ersat[10].

D'Mariette Scholtus hat virum Verwaltungsgeriicht géint hir Versetzung geklot. D'Geriicht huet hir de 5. Mee 2015 wéinst engem formaljuristesche Feeler Recht ginn, wouropshi a si erëm als Direktesch vun der ADEM etabléiert gouf. Den 19. Mee huet den Aarbechtsminister Nicolas Schmit eng nei Prozedur ageleet fir d'Mariette Scholtus ofzesetzen an zënter dem 19. Juni ass d'Isabelle Schlesser nees Direktesch[11],[12],[13].

Zuelen

änneren

2014 hu ronn 11.000 Persounen, déi bei der ADEM ageschriwwe waren, dréit Méint no der Clôture vun hirem Dossier geschafft. Dat selwecht Joer goufen och iwwer 250 Formatiounen organiséiert[14].

Um Spaweck

änneren

Referenzen

änneren
  1. ↑ guichet.lu: Agence pour le développement de l'emploi (23. Mee 2015)
  2. ↑ Loi du 2 mai 1913 concernant la réglementation des bureaux de placement. - Legilux. legilux.public.lu. Gekuckt de(n) 2021-07-18.
  3. ↑ Arrêté grand-ducal du 21 août 1913 concernant l'exécution de la loi sur les bureaux de placement. - Legilux. legilux.public.lu. Gekuckt de(n) 2021-07-18.
  4. ↑ Arrêté grand-ducal du 30 juin 1945 portant création d'un Office National du Travail. - Legilux. legilux.public.lu. Gekuckt de(n) 2021-07-18.
  5. ↑ Loi du 21 février 1976 concernant l'organisation et le fonctionnement de l'Administration de l'Emploi et portant création d'une Commission nationale de l'Emploi. - Legilux. legilux.public.lu. Gekuckt de(n) 2021-07-18.
  6. ↑ Loi du 18 janvier 2012 portant création de l'Agence pour le développement de l'emploi - Legilux. legilux.public.lu. Gekuckt de(n) 2021-07-18.
  7. ↑ paperjam.lu: Brutal changement de direction à l'Adem (20. Juni 2012)
  8. ↑ Note à l'attention des collaborateurs de l'Adem, vum Minister Nicolas Schmit, 20. Juni 2012.
  9. ↑ Agence pour le développement de l'emploi - Nominations. - Legilux. legilux.public.lu. Gekuckt de(n) 2021-07-18.
  10. ↑ paperjam.lu: Adem: Isabelle Schlesser devient numéro un (22. Mäerz 2013)
  11. ↑ tageblatt.lu: Adem mit altem Kopf? (6. Mee 2015)
  12. ↑ tageblatt.lu: Schmit: Scholtus wird wieder Adem-Chefin (6. Mee 2015)
  13. ↑ tageblatt.lu: Schlesser rein - Scholtus raus (19. Juni 2015)
  14. ↑ ADEM: L'Agence pour le développement de l'emploi (ADEM) a présenté son rapport d'activités 2014 ainsi que la nouvelle identité visuelle de l'ADEM. (gekuckt de 7. August 2015)
Vun „https://lb.wikipedia.org/w/index.php?title=Agence_pour_le_développement_de_l%27emploi&oldid=2473870“