Atmosphär vun der Äerd
D'Atmosphär vun der Äerd ass d'Loft déi d'Äerd ronderëm ëmschléisst. Et ass e Gemësch aus verschiddene Gasen, virun allem Stéckstoff a Sauerstoff. Edelgasen an aner Gase komme nëmmen a klenge Quantitéite vir.
D'Atmosphär ass ongeféier 700 km déck an den Iwwergank an de Weltraum (wou guer keng Loft méi ass) ass net abrupt. D'Gasdeelercher gi lues a lues ëmmer méi dënn bis si ganz verschwonne sinn.
Ouni d'Atmosphär wier d'Äerd sou wéi de Mound, et géif kee Waasser gi fir ze drénken a keng Loft fir z'otmen. Ausserdeem schützt si eis virun de Sonnestrahlen a virun Aschléi vu Meteoriten.
Schichte vun der ÄerdatmosphärÄnneren
D'Atmosphär gëtt, jee no Héicht a jee no Temperatur, an ënnerschiddlech Schichten (Sphären) agedeelt. Déi ënnescht ass d'Troposphär mat de Loftzirkulatiounen déi d'Wieder bestëmmen, déi iewescht, d'Exosphär, ass eng ganz dënn Schicht, déi an de Weltraum iwwergeet.
TroposphärÄnneren
Ganz ënnen an der Äerdatmosphär ass d'Troposphär, wou d'Temperatur, mat der Héicht ofhëlt. Si geet bis ongeféier 10 km an d'Héicht.
Méi Informatioun doriwwer am Artikel: Troposphär.
StratosphärÄnneren
An der Stratosphär, bis zu 50 km déck, ass d'Temperatur relativ konstant. Do ass och déi gréist Ozonkonzentratioun op der Grenz mat der Mesosphär.
Méi Informatioun doriwwer am Artikel: Stratosphär.
MesosphärÄnneren
Tëscht 50 km a 85 km läit d'Mesosphär, wou d'Temperatur am Ufank an d'Luucht geet an duerno fält.
ThermosphärÄnneren
An der Thermosphär (85 bis 500 km) geet d'Tempetratur mat der Héicht och erop.
Aner AndeelungenÄnneren
Déi iewescht Grenze vun den dräi ënneschte Schichte sinn Tropopaus, d'Stratopaus an d'Mesopaus.
Jee no Dicht an Zesummesetzung vum Gas gëtt tëscht dräi grousse Couchen ënnerscheet:
- D'Homosphär, tëscht 0 an 100 km wou d'Zesummesetzung vun der Loft konstant ass.
- D'Heterosphär, tëscht honnert an 1000 km wou et liicht Gase wéi Helium, Waasserstoff a Stéckstoff gëtt.
- D'Exosphär, wou déi liicht Moleküllen net vun der Schwéierkraaft ugezu ginn an sou lues a lues am interplanetare Raum verschwannen.
Kuckt ochÄnneren
Um SpaweckÄnneren
Commons: D'Atmosphär vun der Äerd – Biller, Videoen oder Audiodateien |