Wëssenschaftler

.

Wëssenschaftler si Leit, déi sech haaptberufflech a methodesch mat der Wëssenschaft an hirer Weiderentwécklung beschäftegen.

Am Reegelfall hu Wëssenschaftler eng ofgeschlossen Héichschoulbildung a schaffen als Fuerscher, heefeg och als Universitéitsprofesser.

Geneesou wéi een d'Wëssenschaften a verschidde grouss Beräicher wéi

ënnerdeelt, kënnen och déi wëssenschaftlech schaffend Leit den analoge Beräicher zougeschriwwe ginn.

Fir d'Naturwëssenschafte sinn dat ënner anerem: Physiker, Cheemiker, Astronomen, Geologe, Geographen, Biologen a Medezinner. An de meeschte Wëssensgebidder kann eng Ënnerdeelung an de Beräicher Grondlagefuerschung an Uwendung resp. Entwécklung getraff ginn.

Déi gréisst Aarbecht vun engem Wëssenschaftler ass:

wëssenschaftlech Fuerschung op engem Gebitt oder am Iwwergangsberäich zu Nopeschdisziplinnen
Léiertätegkeet op enger Universitéit (oder vu Praktika) als Héichschoulprofesser oder -assistent
Ugewant Fuerschung an Entwécklung (F/E)
Leedung an / oder Verwaltung vun Institutioune fir F/E respektiv vu grousse Projeten.

Déi wichtegst Institutiounen, op deene Wëssenschaftler schaffen, sinn:

Universitéiten an Héichschoulen (als Professer, Dozent, wëssenschaftlechen Assistent oder Mataarbechter)
Wëssenschaftlech Akademien, grouss Muséeën, Bibliothéiken
Industrie (Secteur fir Fuerschung resp. fir Entwécklung) an Ziviltechniker

Um Spaweck

Commons: Wëssenschaftler – Biller, Videoen oder Audiodateien