Albert Einstein

Dëse Physiksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Den Albert Einstein, gebuer de 14. Mäerz 1879 zu Ulm, a gestuerwen den 18. Abrëll 1955 zu Princeton (USA), war ee vun de bedeitendste Physiker vum 20. Joerhonnert.

Albert Einstein
Gebuer	14. Mäerz 1879 Ulm
Gestuerwen	18. Abrëll 1955 Princeton
Nationalitéit	Däitscht Keeserräich, apatride, Schwäiz, Weimarer Republik, Däitschland, USA
Educatioun	ETH Zürich, Universitéit Zürich
Aktivitéit	Physiker
Member vun	Royal Society, Preisesch Wëssenschaftsakademie, Däitsch Akademie vun den Naturfuerscher Leopoldina, Accademia Nazionale dei Lincei, American Philosophical Society, Bayeresch Wëssenschaftsakademie, Wëssenschaftsakademie vun der URSS, Académie des sciences, Schweedesch Akademie vun de Wëssenschaften, Koninklijke Nederlandse Akademie van Wetenschappen, American Academy of Arts and Sciences, Accademia Nazionale delle Scienze, National Academy of Sciences, National Academy of Sciences
Famill
Kanner	Hans Albert Einstein

Säi Liewen

Den Albert Einstein war den Eelste vun zwee Kanner. Seng Elteren Hermann a Pauline Einstein ware Geschäftsleit. Seng Schwëster Maja koum ee Joer no him zu München op d'Welt.

Hie war e Suergekand, huet spéit ugefaange mat schwätzen an huet 1894 d'Schoul, de Münchener Luitpold-Gymnasium, ouni Ofschloss verlooss. Well hien awer zu Zürich studéiere wollt, huet e sech 1895 zu Aarau an enger Schoul ugemellt fir den Ofschloss nozehuelen.

Ee Joer méi spéit huet en dee gepackt an ass vun do un iwwerzeegt, datt de liberale System aus der Schwäiz zu sengem Erfolleg bäigedroen huet. Vun do un huet hien eng Ofneigung géint den däitschen Drill an Autoritéit. Si bréngen hien dozou, spéider seng däitsch Nationalitéit opzeginn.

Mat 21 Joer mécht hie säin Ofschloss zu Zürich als diploméierte Fachprofesser an der Mathematik an an der Physik.

Hie geet an Däitschland zeréck. Seng Eltere liewen awer mëttlerweil an Italien. 1901 hëlt hien déi Schwäizer Nationalitéit un a geet 1902 op Bern wou hie sech mat Privatstonnen iwwer Waasser hält.

1905 huet hie fënnef grouss Aarbechte verëffentlecht, dorënner eng iwwer de Photoeffekt a och déi iwwer déi Speziell Relativitéitstheorie.

Fir d'Entdeckung vum photoelektreschen Effekt krut hien 1921 den Nobelpräis an der Physik.

1933 ass hien an d'USA immigréiert an huet do als Fuerscher um Institute for Advanced Study zu Princeton geschafft. Den 18. Abrëll 1955 ass hien zu Princeton gestuerwen.

Biographie

• Ernst Peter Fischer: Einstein für die Westentasche (2005), ISBN 3-492-04685-1
• Jürgen Neffe: Einstein (2005), ISBN 3-498-04685-3
• Thomas Bührke: Albert Einstein (2004), ISBN 3-423-31074-X
• Albrecht Fölsing: Albert Einstein (1995), ISBN 3-518-38990-4

Seng Theorien

• D'Relativitéitstheorie

Literatur

• Einstein, Albert a Seelig, Carl: Mein Weltbild
• Einstein, Albert a Calaprice, Alice: Einstein sagt

Kuckt och

• Lëscht vu Physiker
• Lëscht vun de Laureate vum Nobelpräis fir Physik
• Einstein (Asteroid)

Um Spaweck

Commons: Albert Einstein – Biller, Videoen oder Audiodateien

• Websäit vum Den Nobelpräis