Vëlospist PC14

Vëlospist PC14
	D'Vëlospist PC14 zu Mamer
Alternativen Numm	Itinéraire cyclable Eisch-Mamer
Lëtzebuerger Numm	Äisch-Mamer Pist
vu(n)	Mamer
op	Miersch
Längt	17,7 km
déifste Punkt	Mamer
héchste Punkt	Kielen
Land	Lëtzebuerg
OpenStreetMap	Vëlospist PC14

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Vëlospist PC14, och nach Äisch-Mamer Pist, offiziell Itinéraire cyclable Eisch-Mamer, ass eng vun den 41 Vëlosstrecke vum nationale Reseau zu Lëtzebuerg^[1]. Se verleeft op der Héicht tëscht der Äisch an der Mamer an ass no dësen zwou Baache genannt.

Streck

Wa se bis fäerdeg ass, féiert d'PC14 iwwer 17,7 km vu Mamer op Miersch. Se féiert da laanscht oder duerch follgend Uertschaften: Mamer, Capellen, Ollem, Nouspelt, Meespelt, Keespelt a Miersch.

Uganks waren awer eréischt 10,48 km, vu Mamer op Kielen realiséiert^[2]. Den déifste Punkt (293,64 m) ass zu Mamer (tëscht der Eisebunn an der Faulbaach) an den héchsten (356,04 m) zu Kielen (um Léck)^[3].

Zanter Juni 2021 ass awer och d'Streck tëscht Schëndels an dem Park zu Miersch op. D'Aarbechte fir de Bau vun dëser 3,6 km laanger Verbindung ware schonn am September 2018 ausgeschriwwe ginn, wéinst administrativen an techneschen Contrainte huet et awer bal dräi Joer gedauert bis d'Streck opgemaach konnt ginn. De Bau vun der Streck huet 2,16 Milliounen Euro kascht^[4]^[5].