UNESCO-Gediechtnes vun der Welt

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'UNESCO-Gediechtnes vun der Welt (Memory of the World) ass e Programm, deen 1992 vun der UNESCO an d'Liewe geruff ginn ass. An deem Programm geet et drëm, Dokumenter, déi an Archiven, Bibliothéiken, Muséeën oder anere kulturellen Institutioune leien, ze sécheren an se der Mënschheet zougänglech ze maachen. Et soll e Regëster vun alle wichtege Manuskripter, Partituren, Bild-, Toun- a Filmdokumenter ginn.

Bis 2005 sinn 120 Dokumenter vun allen Zorten opgelëscht.

Lëtzebuerg ass an där Lëscht mat der Fotosausstellung The Family of Man vertrueden.

Albanien

• 2005: De Codex Purpureus Beratinus mat zwéin Evangelien (Matthäus a Markus) ass am Nationale Staatsarchiv (Nr. 1) zu Tirana.

Argentinien

• 1997: Dokumenter vum Vizekinnekräich vum Rio de la Plata aus den National-Archive vu Buenos Aires.

Armenien

• 1997: D'Manuskripter vum Maschtots Matenadaran aus dem Maschtots Institut fir al Manuskripter vun Eriwan.

Australien

• 2001: D'Logbicher vum James Cook aus der National Library of Australia zu Canberra.
• 2001: D'Manuskripter aus dem Mabo-Prozess aus der National Library of Australia zu Canberra.

Belsch

• 2001: D'Geschäftsarchiv vum Officina Plantiniana am Plantin-Moretus-Musée zu Antwerpen

Däitschland

• 1999: D'Phonogramm-Archiv bei der Stiftung Preußischer Kulturbesitz zu Berlin.
• 2001: Dem Johannes Gutenberg seng Erfindung vun 1450 vum Buchdrock mat mobille Buschtawen.
• 2001: Dem Johann Wolfgang von Goethe seng literaresch Successioun.
• 2001: Dem Ludwig van Beethoven seng 9. Sinfonie (Beethoven).
• 2001: Dem Fritz Lang säi Stommfilm-Klassiker Metropolis vun 1925/26.
• 2003: D'Reichenauer Handschrëften aus der Ottonescher Zäit éinst der Buchmolerei.
• 2005: D'Kasseler Handexemplare vun de Kanner- an Hausmäerercher vum Jacob a Wilhelm Grimm. De Grond fir d'Nominéierung si 14 Märchen- an zwee Kommentarbänn aus de Joren 1812 bis 1857 aus dem Kasseler Grimm-Musée.

Däitschland an USA

• Waldseemüller-Kaart vun 1507 aus der Library of Congress vu Washington D.C..

Éisträich

• 1997: D'Wiener Manuskript vum Pedanios Dioskurides (Iwwer medezinesch Substanzen) dat ëm 512 geschriwwe gouf.

Finnland

• 1997: D'Nordenskiöld-Sammlung vu karthographeschem a geographeschem Material an der Universitéitsbibliothéik zu Helsinki.

Korea

• 2001: D'koreanesch Erfindung vum Buchdrock 1377.

Lëtzebuerg

• 2003: D'Fotosausstellung The Family of Man, déi vum Edward Steichen zesummegestallt gi war.

Russland

• 1997: D'Evangelium vun Archangelsk vun 1092, Russesch Staatsbibliothéik, Moskau
• 1997: D'Evangelium vu Khitrovo, Russesch Staatsbibliothéik, Moskau
• 1997: Slawesch Verëffentlechungen a kyrillescher Schrëft aus dem 15. Joerhonnert, Russesch Staatsbibliothéik, Moskau
• 1997: Zeitungssammlungen, Russesch Staatsbibliothéik, Moskau
• 1997: Landkaarte vum Russesche Räich a senge Landesdeeler aus dem 18. Joerhonnert, Russesch Staatsbibliothéik, Moskau
• 1997: Russesch Plakater vum Enn vum 19. an dem Ufank vum 20. Joerhonnert, Russesch Staatsbibliothéik, Moskau
• 2001: D'historesch Sammlunge vum St. Petersburger Tounarchiv (1889-1955), Institut fir Russesch Literatur a Russesch Akademie vun de Wëssenschaften, St. Petersburg

Uruguay

• 2003: Originalschallplacke vum Tango-Sänger Carlos Gardel aus der Horacio-Loriente-Sammlung