Tiangong
Tiangong (天宫=Tiāngōng =Himmelspalast)[1] ass e Raumstatiouneprogramm vun der Volleksrepublik China. 2011 gouf d'Raumstatioun Tiangong 1 gestart, an Tiangong 2 de 15. September 2016. D'Erkenntnesser sollen an de Bau, Start a Betrib vun enger grousser Raumstatioun fléissen.
Virbereedung
ännerenPläng fir eng chineesesch Raumstatioun lafen zanter 1992 ënner der Bezeechnung Projet 921. E Modell gouf der Ëffentlechkeet fir d'éischt bei der Expo 2000 zu Hannover gewisen.
Tiangong 1
änneren
Haaptartikel zu dësem Theema: Tiangong 1
D'Tiangong 1 gouf den 29. September 2011 mat enger CZ-2F gestart. Den 3. November huet dat onbemannt Raumschëff Shenzhou 8 ugedockt. Et war den éischte Kopplungsmanöver vun der chineesescher Raumfaart. De 14. November huet de Shenzhou 8 lassgekoppelt an nees frësch ugekoppelt, ir d'Raumschëff d'Raumstatioun de 16. November verlooss huet.
Déi éischt Crew koum den 18. Juni 2012 mam Shenzhou 9 u Bord an huet domat déi éischt chineesesch Raumstatioun a Betrib geholl. De 24. Juni gouf dunn och eng Of- an nees Ukopplung gemaach. Déi dräi Taikonauten hunn den Tiangong 1 de 27. Juni verlooss.
Déi zweet Crew huet den 13. Juni 2013 mam Shenzhou 10 ugekoppelt. D'Of- an nees Ukopplung war den 23. Juni, an déi definitiv Ofkopplung war de 25. Juni.
D'Tiangong 1 ass ëmmer nach an der Äerdëmlafbunn.
Tiangong 2
änneren
Haaptartikel zu dësem Theema: Tiangong 2
De Start vun der zweeter chineesescher Raumstatioun Tiangong 2 war de 15. September 2016. Virgesinn ass d'Ukopplung vun der 2 Mann-Crew mam Raumschëff Shenzhou 11, engem Tianzhou-Raumtransporter a mam 3 Mann-Raumschëff Shenzhou 12.
Grouss Raumstatioun
ännerenNo den Tiangong-Raumstatioune ass eng grouss modular Raumstatioun mat enger Mass vu 60 Tonne geplangt. Dat éischt Modul kéint schonn 2018 mat enger CZ-7-Rakéit an de Raum bruecht ginn an déi éischt Raumstatioun kéint am Joer 2022 voll asazbereet sinn.