Thérèse vun Avila

D'Thérèse vun Avila ((es)Teresa de Ávila), gebuer als Teresa Sánchez de Cepeda Dávila y Ahumada den 28. Mäerz 1515 am deemolege Kastilien (haut Spuenien) a gestuerwen de 15. Oktober 1582 zu Alba de Tormes bei Salamanca, war eng Karmeliterin an eng Mystikerin.

Thérèse vun Avila
E Portrait vun der Teresa vum spuenesche Moler Eduardo Balaca
Titel
Biographie
Reliéisen Numm	Teresa vu Jesus
Gebuertsnumm	Teresa Sánchez de Cepeda Dávila y Ahumada
Gebuer	28. Mäerz 1515 jul. Ávila
Gestuerwen	15. Oktober 1582
Nationalitéit	Spuenien, Kastilien
Papp	Alonso Sánchez de Cepeda
Mamm	Beatriz de Ahumada
Aktivitéit	Schrëftsteller, Philosoph, Grënner vun engem Uerden, Uerdensschwëster, Dichter
Aner Informatiounen
Reliéisen Uerden	Karmeliterinnneklouschter
Statut	Kanoniséierten Hellegen
Gedenkdag	15. Oktober
Der Teresa hiert Graf zu Alba de Tormes a Spuenien

Si gëtt dacks déi „Grouss Thérèse“ genannt, fir se vun der Helleger Thérèse vu Lisieux (Thérèse vum Kand Jesus) z'ënnerscheeden, déi och déi „Kleng Thérèse“ genannt gëtt.

Liewen

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Duerstellung

An der chrëschtlecher Ikonographie gëtt d'Thérèse vun Avila am bronge Gewand vun de Karmeliterinnen ouni Schong, mat engem wäisse Vespermantel (Pluviale) an engem schwaarze Schleier duergestallt. Aner Attributer sinn d'Buch an d'Fieder, mat engem Häerz mam Christusmonogramm, mat Gäisselen, Dären an engem Feil, a mat der Dauf vum Hellege Geescht.

Veréierung

D'Thérèse gëtt als eng grouss Mystiker ugesinn. Si gouf 1614 séileggesprach, 1617 zur Patréinesch vu Spuenie genannt an 1622 helleggesprach. 1944 huet de Poopst Pius XII. si zur Patréinesch vun de Schachspiller deklaréiert.

Den 18. September 1965 huet de Paul VI. si zur Patréinesch vun de hispanesche Schrëftsteller ernannt a si gouf de 27. September 1970 Kiercheléierin, dat als éischt Fra an der Kierchegeschicht.

Éierungen

Fir un d'Thérèse vun Avila z'erënneren, huet de Stater Schäfferot de 6. Oktober 1997 déi Strooss déi laanscht de Carmel um Zens leeft, no hir genannt: d'Rue Sainte-Thérèse-d'Avila.

Kuckt och

• Lëscht vun de chrëschtlechen Hellegen

Um Spaweck

Commons: Thérèse vun Avila – Biller, Videoen oder Audiodateien

• D'Thérèse vun Avila am Lexikon vun den Hellegen (de)