Tavigny ass eng belsch Uertschaft an der Gemeng Houffalize an der Provënz Lëtzebuerg, ronn 3 km vun der Grenz mat Lëtzebuerg.

Tavigny
Tavigny Schoul.jpg
D'Schoul vun Tavigny
Land Belsch
Regioun Flag of Wallonia.svg Wallounien
Communautéit Flag of Wallonia.svg Franséisch Communautéit
Provënz Official flag of the Province of Luxembourg.svg Lëtzebuerg
Arrondissement Baaschtnech
Gemeng Blason ville be Houffalize.svg Houffalize
Koordinaten 50° 06’ 28’’ N
      05° 50’ 16’’ O
Telefonszon 061
Postcode 6662

Tavigny läit op enger Héicht vu ronn 430 Meter op der Waasserscheed tëscht dem Anzuchsgebitt vun der Meuse an deem vum Rhäin.

Zu der fréierer Gemeng, déi 1977 bei der belscher Gemengereform un Houffalize ugeschloss gouf, hunn déi kleng Dierfer Buret, Boeur, Alboumont, Cetturu, Vissoûle a Cowan gehéiert.

Well eent vun de gréisste Bauwierker vum Meuse-Musel-Kanal, den Tunnel vu Bernistap, nëmmen 2 km dovun ewech louch, haten d'Ingenieure vun der Enterprise sech d'Schlass vun Tavigny als Residenz ausgesicht. De Geometer vun der Entreprise, déi um Tunnel geschafft huet, gouf um Kierfecht vun Tavigny begruewen.

Soss nach aus der GeschichtÄnneren

  • Op der Plaz Saint-Martin goufen Iwwerreschter vun engem gallo-réimeschen Tempel fonnt.
  • 1316 hunn d'Pescht an eng Hongersnout d'Awunnerzuel staark reduzéiert.
  • 1334 nach eng Hongersnout duerch Spéitfrascht am Mee, deen d'Rekolten an der ganzer Géigend zerstéiert hat.
  • 15. Joerhonnert: d'Schlass gëtt gebaut.
  • 18. Joerhonnert: d'Kierch, déi dem Hellege Rémy geweit ass, gëtt gebaut.

LiteraturÄnneren

  • Émile Tandel, Les communes luxembourgeoises; 8 Bänn, 1889-1894; vgl. hei de Band IV, Arrondissement de Bastogne !
  • D. Guillaume (abbé), L'archidiaconé d'Ardenne dans l'ancien diocèse de Liège; 1913 (1980 nei opgeluecht).

Um SpaweckÄnneren

Commons: Tavigny – Biller, Videoen oder Audiodateien