Start (Rakéit)
Start ass den Numm vun enger russescher Drorakéit, déi op der Basis vun der Interkontinentalrakéit SS-25 („Topol“) entwéckelt gouf.
Et ënnerscheet een d'Type Start a Start-1. Start-1 huet véier Rakéitestufen, Start dogéint fënnef, woubäi déi zweet Stuf zweemol agebaut gëtt. D'Rakéit gebraucht festen Dreifstoff fir all Stufen. D'Notzlaascht an engem niddregem Äerdorbit (400 Kilometer) ass ongeféier 500 Kilogramm fir Start-1 a 570 Kilogramm fir Start. Béid Versioune vun der Rakéit hunn e maximalen Duerchmiesser vun 1,8 Meter. Start-1 ass 22,7 Meter héich an huet eng Startmass vu 47 Tonnen. Dat méi grousst Modell Start ass 28,8 Meter héich an huet eng Startmass vu 60 Tonnen.
D'Rakéite gi vu Plessezk a Swobodny aus engem mobille Startgefiert gestart. Den eenzege feelgeschloene Start vum Modell Start war 1995, Start-1 gouf am Joer 1993 fir d'éischt gestart.
Startlëscht
ännerenDëst ass eng vollstänneg Startlëscht vun der Start-Rakéit. Stand: 25. Abrëll 2006
| Laf. Nr. | Datum (UTC) | Typ | Ser.-Nr. | Startplaz | Notzlaascht | Aart vun Notzlaascht | Notzlaascht a kg (brutto¹) | Orbit² | Bemierkung |
|---|---|---|---|---|---|---|---|---|---|
| 1 | 25. Mäerz 1993 | Start-1 | 1 | Pl LC-158 | EKA 1 | ? | ? | ? | Erfolleg |
| 2 | 28. Mäerz 1995 | Start | 1 | Pl LC-158 | Unamsat a, Techsat 1, EKA 2 | 2 Amateurfunksatellitten | ? | ? | Feelschlag keng Trennung vun der 4. a 5. Stuf |
| 3 | 4. Mäerz 1997 | Start-1.2 | 1 | Sv LC-5 | Zeya | Militäresche Funksatellit | 87 kg | ? | Erfolleg |
| 4 | 24. Dezember 1997 | Start-1 | 2 | Sv LC-5 | Earlybird 1 | Äerdobservatiounssatellit | 317 kg | SSO | Erfolleg |
| 5 | 6. Dezember 2000 | Start-1 | 3 | Sv LC-5 | EROS-A 1 | Äerdobservatiounssatellit | 250 kg | SSO | Erfolleg |
| 6 | 20. Februar 2001 | Start-1 | 4 | Sv LC-5 | Odin | Satellittenteleskop fir Astronomie an Aeronomie | 250 kg | SSO | Erfolleg |
| 7 | 25. Abrëll 2006 | Start-1 | 5 | Sv LC-5 | EROS-B | Äerdobservatiounssatellit | 350 kg | SSO | Erfolleg |
¹ Bruttogewiicht = (Satellitten + Adapter, Gehais asw.)
² NET zwangsleefeg den Zilorbit vun der Notzlaascht – mä d'Bunn op där d'Notzlaascht vun der Uewerstuf ausgesat soll ginn.
Um Spaweck
änneren- Start-1 startet Satellit (YouTube Video)