Odin (Weltraumteleskop)
| Odin | |
|---|---|
| Typ | Weltraumteleskop |
| Land | Schweden, Finnland, Frankräich, Kanada |
| Agentur | SSC, Tekes, CNES, CSA |
| Bunnhéicht | 600 km |
| Mass | 250 kg |
| Start | 20. Februar 2001, 08:48 UTC |
| Startplaz | Swobodny |
| Drorakéit | Start-I |
| Status | aktiv |
Den Odin ass e Weltraumteleskop fir astronomesch an aeronomesch Ënnersich am Radio- an am Submillimeterberäich.
De Satellit ass e Projet ënner schweedescher Leedung mat Bedeelegung vu Kanada, Frankräich a Finnland. De Satellit gouf den 20. Februar 2001 mat enger Start-I-Rakéit vu Swobodny a Sibirien aus gestart. Den Odin ass an enger sonnesynchroner Äerdëmlafbunn, déi an enger Héicht vu 600 km iwwer d'Pole vun der Äerd féiert. Ufanks war den Odin op zwee Joer Liewensdauer ausgeluecht, ass awer an der Tëschenzäit ëmmer nach a Betrib.
Den Antennenduerchmesser ass 1,1 m. Observatioune sinn am Frequenzband 486,1-503,9 GHz, plus dräi iwwerlappend Bänner vu 541,0-580,4 GHz an engem Band vun 118,25-119,25 GHz méiglech. Domat si besonnesch Ënnersich vu Waasser a Sauerstoff am interstellare Medium méiglech.
Kuckt och
änneren
Um Spaweck
änneren- (en) Swedish National Space Board: Odin
- (en) OHB Sweden: Odin
- (en) Canadian Space Agency: OSIRIS at the forefront of the study of ozone depletion
- (en) Donal Murtagh and the Odin Team: The Odin Aeronomy Mission – an Update (Fuerschungsresultater vum Juli 2002)