Stam. Nous restons là

Stam. Nous restons là
Film
Produktiounsland	Lëtzebuerg
Première	14. Dezember 2006
Dauer	57 min
Format	16:9
Originalsprooch	Rumänesch, Däitsch
Ekipp
Regie	Anne Schiltz,; Charlotte Grégoire
Dréibuch	Anne Schiltz,; Charlotte Grégoire
Fotografie	Caroline Schuler
Musek	François Hausemer
Schnëtt	Misch Bervard
Produzent	Anne Schroeder
Produktiouns-; gesellschaft	Samsa Film
Schauspiller
	keng (Documentaire)
	Filmportal - Filmer no Joren - Film no Länner - Film no Genre

Stam. Nous restons là ass en Documentaire vun de Regisseurinnen Anne Schiltz a Charlotte Grégoire.

En hat de 14. Dezember 2006 Première zu Lëtzebuerg.

Ëm wat geet et am Film?

De Film dokumentéiert d'Liewe vun zwou jonke Fraen aus dem rumäneschen Dierfche Mâlăncrav an Transylvanien: dem Ruth, enger däitschsproocheger "Siwebierger Sachsin" an dem Natalia, enger Roma. Si ware fréier Nopeschen, ma elo ass d'Ruth an Däitschland ausgewandert...

Soss

D'Iddi fir de Film ass am Joer 2002 entstaanen, duerno gouf um Konzept geschafft. 2004 hunn d'Regisseurinnen, d'Lëtzebuergerin Anne Schiltz an d'Belsch Charlotte Grégoire, d'Filmproduzentin Anne Schroeder vu Samsa Film getraff, déi bereet war, de Projet z'ënnerstëtzen.^[1]

D'Regisseurinnen sinn allebéid Anthropologinnen an hunn zesummen nach dräi weider Documentairen iwwer Rumänien gedréint: Charges communes (2012), Bureau de chômage (2015) a Ceux qui restent (2019).^[2] De leschten ass eng Revisitatioun vum Natalia an dem Duerf Mâlăncrav, méi wéi zéng Joer méi spéit. ^[3]

De Film ass op enger ganzer Rei Festivalle gelaf, dorënner zu Ljubljana, Paräis, Ville-sur-Yron, Jerewan, Bréissel, Saint-Dié des Vosges a Mäerzeg.^[4]