Sophie Diderrich
D'Sophie Claire Diderrich, gebuer de 24. Juni 1998[1], ass eng lëtzebuergesch Reesagentin an zanter de Gemengewalen 2023 Buergermeeschtesch vun der Majorzgemeng Noumer.
| Sophie Diderrich | |
|---|---|
| Gebuer | 24. Juni 1998 |
| Nationalitéit | Lëtzebuerg |
| Educatioun | École d'Hôtellerie et de Tourisme du Luxembourg |
| Aktivitéit | Reesagent, Lokalpolitiker |
 | |
Si koum no de Komplementarwalen am Februar 2022 an de Gemengerot an huet sech duerno fir d'Walen 2023 nees opgesat. Well sech nëmme 7 Kandidate fir déi 9 Plazen am Gemengerot opgesat haten, gouf den 11. Juni zu Noumer net gewielt an d'Sophie Diderrich koum dunn d'office an de Gemengerot. Déi siwe Membere vum Gemengerot hunn ënnerteneen ausgemaach, datt d'Sophie Diderrich Buergermeeschtesch sollt ginn. Si ass den 3. Juli 2023 vereedegt ginn[2].
Privatliewen
ännerenD'Sophie Diderrich ass zu Nidderglabech um Bauerenhaff vun hiren Elteren opgewuess a war schonn als Kand a verschiddene Clibb an der Gemeng aktiv, ë. a. an der Musek an am Club des jeunes. Si ass zanter 2020 Presidentin vun der Sektioun Dikrech vun der Landjugend.
Um Spaweck
änneren- 24-Jährige wird jüngste Bürgermeisterin in der Geschichte, wort.lu de 25. Mee 2023
- Gemeindewahlen / Jüngste Bürgermeisterin im Land: Sophie Diderrich, tageblatt.lu de 4. Juni 2023
- Keng Walen zu Noumer – Mat 24 Joer gëtt d'Sophie Diderrich déi jéngste Buergermeeschtesch zu Lëtzebuerg, rtl.lu de 6. Juni 2023
- Warum Sophie Diderrich in Nommern eine Zeitenwende einläutet, wort.lu de 24. Juni 2023
Referenzen an Notten
änneren- ↑ Quell: Warum Sophie Diderrich in Nommern eine Zeitenwende einläutet, Um Spaweck
- ↑ (fr)Assermentation des collèges des bourgmestre et échevins. mint.gouvernement.lu (03.07.2023). Gekuckt de(n) 03.07.2023.