Science Festival
De Science Festival ass e lëtzebuergesche Wëssenschaftsfestival deen am Kulturjoer 1995 entstanen ass an am Prinzip all zwee Joer ogehale gëtt. De Science Festival déngt derzou fir Wëssenschaftskultur a wëssenschaftlech Fuerschung zu Lëtzebuerg virzestellen, z'ënnerstëtzen a weiderzedreiwen. Zanter dem Joer 2005 gëtt de Festival am Gronn organiséiert, an de Raim vum Naturmusée a vun der Abtei Neimënster. De Science Festival gëtt vum Kulturministère, vum Ministère fir Héichschoul a Fuerschung a vum nationale Fuerschungsfong ënnerstëtzt.
Virstellung
ännerenDe Science Festival soll op eng einfach, verständlech a spilleresch Manéier d'Technik, d'Mathematik an Naturwëssenschaften de Kanner, de Jugendlechen an natierlech och den Erwuessene méi no bréngen. Aus dem Staunen eraus an dem Virwëtz sollen de Visiteuren d'Geheimnisser vun der Wëssenschaft an Technik interaktiv an nom Motto Hands-on Science virgestallt ginn.
An den eenzelen Ateliere kann d'ganz Famill wärend de Weekender, souwéi Schoulklassen a Gruppen op Umellung an der Woch spannend a faszinant Phenomeener mat hire fënnef Sënner entdecken oder bei verschiddenen Experimenter selwer assistéieren a mat fuerschen. An den eenzele Virféierungen an Ausstellunge kann de Visiteur sech vum neiste Stand vun der Technik iwwerzeegen a sech informéieren oder sech bei Konferenzen un Debatte bedeelegen.
Déi eenzel Aktivitéite gi vu Lycéeën, Universitéiten, Muséeën, Entreprisen a vun soss nationalen an internationale Fuerschungsinstutitiounen organiséiert an duerchgefouert a sti sou an enkem Kontakt mam Bierger.
Editiounen
änneren| Editioun | Datum | Uert | Aktivitéiten | Visiteuren | Kontext, weider Infoen |
|---|---|---|---|---|---|
| 1 - 1995 | 03.-12. Nov. | Victor-Hugo-Hal | 26 | 10.162 | Kulturhaaptstad Lëtzebuerg 1995 Zesumme mat der Ausstellung Megabugs |
| 2 - 1997 | 08.-16. Nov. | Naturmusée | 13 | 5.622 | |
| 3 - 2000 | 10.-19. Nov. | Naturmusée & Helleg-Geescht-Plateau | 24 | 13.878 | Zousätzlech Science on wheels mat lëtzebuergesch an auslännesch Science-Bussen |
| 4 - 2003 | 03.-12. Nov. | Campus Geesseknäppchen, Uni Lëtzebuerg, verschidde Muséeën | 76 | > 25.000 | |
| 5 - 2005 | 22.-30. Okt. | Naturmusée & Abtei Neimënster | 46 | > 25.000 | Weltjoer vun der Physik (UNESCO) Austauschjoer tëscht dem Vollek vun der EU a Japan |
| 6 - 2007 | 22.-23. Sept. | Naturmusée & Abtei Neimënster | 55 | 7.500 | Spezialeditioun Zirkus vun der Wëssenschaft Kulturhaaptstad Lëtzebuerg 2007 |
| 7 - 2009 | 12.-15. Nov. | Naturmusée & Abtei Neimënster | 50 | 11.000 | Internationaalt Joer vun der Astronomie (UNESCO) Darwin-Gedenkjoer 2009 |
| 8 - 2011 | 10.-13. Nov. | Naturmusée & Abtei Neimënster | Internationaalt Joer vun der Chimie (UNESCO) Faarwen (Expoen am Naturmusée an an der Abtei Neimënster) |
Um Spaweck
änneren
- Websäit vum Science Festival (de) (en) (fr)
- Websäit vum Fonds national de la recherche
- Websäit vum Naturmusée