Schëld C, 1a

D'Schëld C, 1a ass e Verkéiersverbuetsschëld aus dem Lëtzebuerger Code de la route dat de Chauffere vu Gefierer an de Leit déi Déiere féieren ugëtt, datt d'Strooss nëmmen aus der anerer Richtung accessibel ass. An Ausnamefäll kënne verschidde Gefierer vum Verbuet ausgeschloss ginn, wann déi Gefierer, fir déi d'Verbuet net gëllt, op engem Zousazschëld opgezielt ginn.

Schëld C, 1a

Verbueden eranzefueren
Bezeechnung	C, 1a
Kategorie	Verkéiersverbuetsschëld
Land	Lëtzebuerg
ageféiert	23. November 1955

Am allgemenge Sproochgebrauch gëtt dëst Schëld och alt „Sens interdit“ genannt.

Originaltext aus dem Code de la route

„1. Accès interdit - Le signal C, 1a indique l'interdiction d'accès aux conducteurs de véhicules et d'animaux, auxquels la voie publique est uniquement accessible par la direction opposée. Dans des cas exceptionnels, il peut être dérogé à cette prescription par un panneau additionnel renseignant les véhicules auxquels cette interdiction ne s’applique pas“

– Artikel 107 – III. Signaux d'interdiction et de restriction

.

Bemierkungen

• D'Schëld C, 1a gehéiert zu de Schëlter déi 1955 an der éischter Versioun vum Code de la route agefouert goufen; et war deemools ënnert der Nummer 25 vum Artikel 107 definéiert.
• Wann een dëst Verbuetsschëld net respektéiert, riskéiert een e Pretekoll vun 145 Euro an de Verloscht vun 2 Punkte vum Punktefürerschäin.

Biller

• 
  Verkéiersschëld C,1a "Accès interdit" aus dem Lëtzebuerger Code de la Route.
• 
  Verkéiersschëld C,1a mam Zousazschëld Modell 6c.
• 
  ...mam Zousazschëld Modell 5a
• 
  Variant vum Verkéiersschëld C,1a; gëtt op enger Autobunn-Opfaart gebraucht fir de falsche Wee unzeweisen.

Um Spaweck

Commons: Verkéiersverbuetsschëlter – Biller, Videoen oder Audiodateien