D'Sanna Mirella Marin, gebuer de 16. Novembaer 1985 zu Helsinki, ass eng finnesch Politikerin (SDP). Si war vum 10. Dezember 2019 bis den 20. Juni 2023 Premierministesch an hirem Land.

Sanna Marin
Gebuertsnumm Sanna Mirella Marin
Gebuer 16. November 1985
Helsinki
Nationalitéit Finnland
Aktivitéit Politiker
Famill
Bestuet mat Markus Räikkönen

Si gouf 2012 an 2017 an de Gemengerot vun Tampere gewielt a war vun 2013 bis 2017 Presidentin vum Gemengerot. Si war och Member vun der Assemblée vum Regionalrot vun der Regioun Tampere.

2015 gouf si an d'finnescht Parlament gewielt (2019 erëmgewielt) a war vu Juni bis Dezember 2019 Verkéiers- a Kommunikatiounsministesch vun der Republik Finnland. Den 8. Dezember 2019 gouf si vun hirer Partei als Nofollgerin vum Antti Rinne, deen zeréckgetruede war, designéiert[1],[2]. D'finnescht Parlament huet hir den 10. Dezember d'Vertrauen ausgeschwat.[3]

Bei de Parlamentswale vun 2023 ass hir Partei vum Status vun der stäerkster Partei op dee vun der Drëttstäerkster zeréckgefall; de Petteri Orpo vun der Nationaler Koalitiounspartei gouf hiren Nofollger als Premierminister.

Um Spaweck änneren

Commons: Sanna Marin – Biller, Videoen oder Audiodateien

Referenzen änneren

  1. "Finnischer Ministerpräsident Rinne tritt zurück." derStandard.at 2019-12-03
  2. "34-jährige Sanna Marin soll Finnlands nächste Premierministesch werden" derStandard.at 2019-12-08.
  3. "Die jüngste Regierungschefin der Welt." tageschau.de, 10.12.2019 15:31.