Rouderssen

Rouderssen ass eng lëtzebuergesch Uertschaft an der Gemeng Parc Housen am Kanton Klierf.

Rouderssen
D'Haaptstrooss zu Rouderssen (2014)
Aussprooch
An anere Sproochen	fr: Rodershausen de: Rodershausen
Land	Lëtzebuerg
Kanton	Klierf
Gemeng	Parc Housen
Buergermeeschter	Romain Wester
Awunner	133
	01 Januar 2021
Fläch	381,9987 ha
Koordinaten	50° 02’ 20’’ N       06° 07’ 51’’ O

Bis Enn 2011 war si Deel vun der fréierer Gemeng Housen, déi du mat de Gemenge Konstem an Houschent zu der Gemeng Parc Housen fusionéiert huet.

D'Uertschaft läit op der Nationalstrooss 10, der sougenannter "Strooss vun den dräi Flëss" tëscht Uewereesbech, respektiv Kounenhaff, an Doosber Bréck.

Bis 1815, wéi d'Grenzen nei festgeluecht goufen, huet Rouderssen zu der Gemeng Doosber gehéiert.

Das stille Tal

Den deemolege Schoulmeeschter Jos Bour huet vum 3. Februar 1930 un eng Schülerzäitschrëft, Das stille Tal, mam Ënnertitel Rodershausener Schülerzeitung, zesumme mat de Kanner aus dem Duerf publizéiert. Déi uechzéngt a lescht Nummer ass op den 1. September 1934 datéiert. All Heft hat 24 Säiten a gouf vum Bour selwer hektographéiert. An der Lëtzebuerger Nationalbibliothéik ass eng komplett Editioun erhalen.

Literatur

• Joseph Bour, Yvonne Majerus-Kalmus, Jos Müller a Mich Scharfenberger: Am stëllen Dall. 150 Joer Por Roudersen, erausginn 1993 vum Porrot vu Rouderssen.

Kuckeswäertes

• Parkierch vu Rouderssen

Kuckt och

• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Rouderssen – Biller, Videoen oder Audiodateien

• Websäit vun der Gemeng Parc Housen