Regierung Dupong-Schaus-Bodson

Dëse Politiksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Regierung Dupong-Schaus-Bodson, ass d'Bezeechnung vun zwou Regierungen zu Lëtzebuerg, déi op Grond vu partielle Chamberwalen, deene vum 6. Juni 1948 am Süden an am Osten, an deene vum 3. Juni 1951 am Norden an am Zentrum, ëmgeännert goufen.

Dat éischt war, grad wéi och d'Regierung Dupong-Schaus, eng Koalitiounsregierung tëscht CSV a Groupement Démocratique. Si war vum 14. Juli 1948 bis den 3. Juli 1951 am Amt. Dat zweet war eng Koalitiounsregieurng aus CSV an LSAP; si huet hir Funktioune bis den 29. Dezember 1953, den Dag, wou de Pierre Dupong gestuerwen ass, ausgeübt.

Vum 14. Juli 1948 bis den 3. Juli 1951

Pierre Dupong (CSV): Staatsminister, Regierungspresident, Minister fir Finanzen, Aarbecht, Sozialversécherung a Grouwen, Arméiminister a.i.
Joseph Bech (CSV): Ausseminister, Minister fir Aussenhandel, Minister fir Wäibau
Eugène Schaus (Groupement Démocratique): Justiz- an Inneminister
Alphonse Osch (Groupement Démocratique): Minister fir Gesondheet a Krichsschied
Robert Schaffner (Groupement Démocratique): Minister fir Bauten an Transport (Erëmopbau)
Pierre Frieden (CSV): Minister fir Erzéiung, Kultus, Konschten a Wëssenschaften a Sozialhëllef
Aloyse Hentgen (CSV): Wirtschafts- a Landwirtschaftsminister (ass den 2. September 1950 aus Gesondheetsgrënn demissionéiert a gouf duerch de François Simon ersat)

Vum 3. Juli 1951 bis den 29. Dezember 1953

Pierre Dupong (CSV): Staatsminister, Regierungspresident, Minister fir Finanzen, Landwirtschaft a Krichsschied
Joseph Bech (CSV): Ausseminister, Minister fir Aussenhandel, Minister fir Arméi, Minister fir Wäibau
Pierre Frieden (CSV): Minister fir Erzéiung, Bevëlkerung a Famill, den Interieur, Gesondheet, Kultus, Konschten a Wëssenschaften
Victor Bodson (LSAP): Minister fir Justiz, Bauten an Transport
Nic Biever (LSAP): Minister fir Aarbecht, Sozialversécherung, Grouwen a Sozialhëllef
Michel Rasquin (LSAP): Minister fir Wirtschaft an Erëmopbau

Kuckt och

Lëscht vun de lëtzebuergesche Premierministeren

Um Spaweck

Thewes, Guy: Les gouvernements du Grand-Duché de Luxembourg depuis 1848, ISBN 2-87999-118-8
Le gouvernement du Grand-Duché de Luxembourg 2013, Service information et presse du gouvernement (2014)
Le gouvernement du Grand-Duché de Luxembourg 2018 , Service information et presse du gouvernement (2019)