Pierre Gramegna

De Pierre Gramegna, gebuer den 22. Abrëll 1958[1] zu Esch-Uelzecht[2], ass e lëtzebuergeschen Diplomat a Manager.

Pierre Gramegna
Informal meeting of economic and financial affairs ministers (ECOFIN). Handshake, Eurogroup Toomas Tõniste and Pierre Gramegna (36840348840) CROP GRAMEGNA.jpg
Gebuer 22. Abrëll 1958
Esch-Uelzecht
Nationalitéit Lëtzebuerg
Educatioun Universitéit Panthéon-Assas
Aktivitéit Politiker, Ekonomist
Partei Demokratesch Partei
Wikidata-logo-without-paddings.svg

Hien ass zanter dem 5. Dezember 2018 Finanz- a Budgetsminister an der Regierung Bettel-Schneider-Braz. Déi selwecht Funktiounen hat hie schonn 2013-2018 an der Regierung Bettel-Schneider.

Den 30. November 2021 huet d'DP bekannt ginn, datt de Pierre Gramegna aus perséinleche Grënn wéilt vu senge Ministeschplazen zrécktrieden[3][4].

CarrièreÄnneren

De Pierre Gramegna huet op der Universitéit Paris II Droit an Ekonomie studéiert, an ass direkt duerno an de lëtzebuergeschen diplomateschen Déngscht agetrueden.

Hien huet 5 Joer am Ausseministère geschafft, duerno war e 5 Joer Conseiller d'ambassade zu Paräis, 3 Joer Generalkonsul zu San Francisco a schliisslech 6 Joer Lëtzebuerger Ambassadeur zu Tokyo[5].

No engem Joer als Chef vun der Direction des affaires européennes et des relations économiques internationales am Ausseministère gouf hien 2003 Direkter vun der Handelskummer. Hie blouf dat bis zu senger Ernennung zum Regierungsmember an der Regierung Bettel-Schneider.

Hie war vun 2004 bis 2008 President vum Verwaltungsrot vun der Cargolux a Verwaltungsrotsmember vun der Bourse, Société nationale de crédit et d'investissement, Office du ducroire, Luxexpo a BGL BNP Paribas.

De 4. Dezember 2013 gouf hien zum Finanz- a Budgetsminister an der Regierung Bettel-Schneider ernannt.

Bei de Chamberwale vum 14. Oktober 2018 gouf hien eng éischt Kéier an d'Chamber gewielt[6]. Hien huet awer op dëst Mandat verzicht, fir op en Neits Finanz- a Budgetsminister an der Regierung Bettel-Schneider-Braz ze ginn, déi aus deene Walen ervirgaange war.

GielercherÄnneren

Um SpaweckÄnneren

Commons: Pierre Gramegna – Biller, Videoen oder Audiodateien

ReferenzenÄnneren

  1. future-internet.uni.lu
  2. Biographie vum Pierre Gramegna op paperjam.lu
  3. (lb)Pierre Gramegna am RTL-Interview: "Ech halen op, well ech decidéiert hunn, datt ech 2023 net mat an d'Wale ginn". www.rtl.lu. www.rtl.lu (30.11.2021). Gekuckt de(n) 30.11.2021.
  4. (fr)Communiqué de presse. www.dp.lu (30.11.2021). Gekuckt de(n) 30.11.2021.
  5. "Pierre Gramegna sera le nouveau ministre des Finances." wort.lu, 14.10.13 15:25.
  6. elections.lu.
  7. Memorial B N° 103 vun 2012 mat der Lëscht vun de Leit déi 2012 eng national Auszeechnung kritt hunn