Pierre-Joseph Redouté

De Pierre-Joseph Redouté, gebuer den 10. Juli 1759 zu Saint-Hubert am deemolegen Herzogtum Lëtzebuerg, a gestuerwen den 19. Juni 1840 zu Paräis, war e Moler.

Pierre-Joseph Redouté
Gebuer	10. Juli 1759 Saint-Hubert
Gestuerwen	19. Juni 1840 Paräis
Nationalitéit	Südlech Nidderlanden, Frankräich
Aktivitéit	Botaniker, Moler, Graveur, Editeur, Illustrateur, Zeechner
Famill
Geschwëster	Henri-Joseph Redouté

Liewen

Dem Redouté säi Léiermeeschter war de Jean-Louis Gilson, méi bekannt als Brudder Abraham vun Orval. No senger Léierzäit huet hie sech an der Stad Lëtzebuerg néiergelooss, wou e sech als Portraitsmoler en Numm gemaach huet. D'Baronne de Tornaco huet hien un den Haff vu Versailles recommandéiert. 1792 huet d'Marie-Antoinette, där en Zeechecoursë ginn huet, hien zu hirem Peintre de la Cour gemaach. De Redouté huet sech vun do u méi mat Blummen ofginn. Virun allem Aquarellen huet hie gemoolt. Vun de ronn 50 Planchë fir de Paräisser Botaniker Lhéritier sinn der eng Rëtsch als Albumen erauskomm; een iwwer Rousen an een iwwer Lilien.

Och nom Doud vun der Marie-Antoinette, ass hie spéider nees Haffmoler ginn, beim Napoléon, an och duerno.

1840 ass de Pierre-Joseph Redouté zu Paräis gestuerwen an um Père Lachaise-Kierfecht begruewe ginn.

Hien ass de Brudder vum Henri-Joseph Redouté.

Éierungen

D'P.-J. Redouté-Strooss zu Beggen.

Nom P.-J. Redouté si genannt:

• eng Schoul zu Anderlecht (Bréissel): den Institut Redouté-Peiffer
• eng Strooss zu Beggen an der Stad Lëtzebuerg (PLZ 2435)

Literatur

• Champignons du Luxembourg. Planches inédites de Pierre-Joseph Redouté (1759-1840). Manuscrit de Louis Marchand (1807-1843). - Edité par le Ministère d'Etat. Commission gouvernementale pour la commémoration du 150e anniversaire de l'Indépendance du Grand-Duché de Luxembourg; Musée national d'histoire naturelle; Société des naturalistes luxembourgeois, 1989.
• Pierre-Joseph Redouté, Ed. Petra Lamers-Schütze; Ines Dickmann: The Roses, Taschen: Köln u.a., 1999. ISBN 3-8228-6629-6
• Pierre-Joseph Redouté, Ed. Thierry Nebois: The Lilies, Taschen: Köln u.a., 2000. ISBN 3-8228-6407-2
• Musée de la Vie romantique (Paris) . Le Pouvoir des fleurs: Pierre-Joseph Redouté (1759-1840). Paris: Paris Musées., 2017, ISBN 978-2-7596-0345-9.

Dräi Rousen, déi de Pierre-Joseph Redouté gemoolt huet

• 
  Rosa clinophylla
• 
  Rosa ×centifolia (Rosier cent-feuilles)
• 
  Rosa moschata (Rosier musqué)

Um Spaweck

Commons: Pierre-Joseph Redouté – Biller, Videoen oder Audiodateien