Peter Schmidhuber
De Peter Schmidhuber, gebuer de 15. Dezember 1931 zu München, a gestuerwen de 26. Dezember 2020, war en däitsche Politiker.
| Peter Schmidhuber | |
|---|---|
 | |
| Gebuer |
15. Dezember 1931 München |
| Gestuerwen | 26. Dezember 2020 |
| Nationalitéit | Däitschland |
| Educatioun | Universitéit vu München |
| Aktivitéit | Politiker, Jurist |
| Partei | CSU Bayern |
 | |
Hien huet tëscht 1951 an 1960 Droit an Ekonomie op der Ludwig-Maximilian Universitéit München studéiert.
Tëscht 1960 an 1966 war hie Member vum Münchener Gemengerot, parallel huet hien am bayresche Finanzministère geschafft. 1965 bis 1969, a vun 1972 bis 1978 war hien Deputéierten am Bundestag. Vun 1978 bis 1987 war hien Deputéierten am bayresche Landtag a bayresche Minister fir Bezéiungen zum Bund an zu Europa ënner dem Franz-Joseph Strauss.
Ënner der Presidence vum Jacques Delors war de Peter Schmidhuber vun 1987 bis 1995 Member vun der Europäescher Kommissioun: Fir d'éischt fir Ekonomie, Statistiken a Regionalpolitik (1987-1989), da fir de Budget an d'Finanzopsiicht (1989-1993) a schlussendlech fir de Budget, d'Finanzopsiicht, Bedruchsbekämpfung an de Kohesiounsfong (1993-1995).
Vun 1995 bis 1999 war hie Member vum Directoire vun der Bundesbank.
Um Spaweck
änneren| Commons: Peter Schmidhuber – Biller, Videoen oder Audiodateien |
