Paul Wild

De Paul Wild, gebuer de 5. Oktober 1925 zu Wädenswil, a gestuerwen den 2. Juli 2014 zu Wabern bei Bern, war e Schwäizer Astronom, dee jorelaang als Professer - vun 1980 bis 1991 als Direkter vum Astronomeschen Institut - op der Universitéit Bern geschafft huet. Ausserdeem war hien Dokter vun der Philosophie an Naturwëssenschaft souwéi President vun der Fritz-Zwicky-Stëftung.

Paul Wild
Gebuer	5. Oktober 1925
Gestuerwen	2. Juli 2014 Bern
Nationalitéit	Schwäiz
Educatioun	ETH Zürich, Universitéit Zürich
Aktivitéit	Astronom, Universitéitsprofesser

Am Zimmerwald-Observatoire bei Bern huet de Wild am Laf vu senger Karriär 94 Asteroiden, entdeckt, dorënner och e puer äerdno Asteroiden, a siwe Koméiten. Seng wichtegst Entdeckung ass de periodesche Koméit Wild 2 (offiziell Bezeechnung: 81P/Wild), deen de Wild de 6. Januar 1978 als Éischte gesinn huet. Dee Koméit gouf vun der NASA als Zil fir d'Stardust-Missioun ausgewielt. D'Raumsond huet virun allem Stëbspartikele vum Koméit agefaangen an op d'Äerd zeréckbruecht.

D'Raumsond ass de 15. Januar 2006 op d'Äerd zeréckkomm.

Den Asteroid (1941) Wild gouf no him genannt.

An Australien dréit den Observatoire wou den Australia Telescope Compact Array steet säin Numm.

Um Spaweck

Commons: Paul Wild – Biller, Videoen oder Audiodateien

• (de) Swissinfo - Paul Wild u. die Raumsonde "Stardust"
• Andreas Verdun: Wild, Paul. Historesche Lexikon vun der Schwäiz
• (en) Bréif vum Paul Wild zum Koméit Wild 2 op der Missiounssäit vum Jet Propulsion Laboratory
• Observatorium Zimmerwald vum astronomeschen Institut vun der Universitéit Bern
• Urs Tremp: Ein Licht trägt seinen Namen. Noruff, NZZ am Sonntag, 10. August 2014