Paul Noesen

De Paul Noesen, gebuer den 28. Juni 1891 zu Ierpeldeng bei Bous, a gestuerwen de 27. September 1960 an der Stad Lëtzebuerg, war e lëtzebuergesche Schoulmeeschter a Schrëftsteller.

Paul Noesen
De Paul Noesen, fotograféiert vum Paul Kutter.
Pseudonym	Montanus
Gebuer	28. Juni 1891 Ierpeldeng
Gestuerwen	27. September 1960 Lëtzebuerg
Nationalitéit	Lëtzebuerg
Aktivitéit	Schoulmeeschter, Schrëftsteller
Famill
Kanner	Léon Noesen, Josy Noesen

Gebuertshaus vum Paul Noesen zu Ierpeldeng

D'Strooss an där d'Gebuertshaus vum Paul Noesen steet (fréier Hiel)

De Paul Noesen, deen aus enger Wiewer- a Wënzerfamill gestaamt huet, ass no senger Uewerprimärschoul, déi en zu Réimech gemaach hat, op Ettelbréck an d'Akerbauschoul gaangen. Duerno war hien op der Normalschoul a mat 18. Joer war hie Schoulmeeschter.

Seng éischt Plaz war zu Mierschent. Sechs Joer duerno gouf e Schoulmeeschter a Clausen, fir e puer Joer méi spéit an d'Aldringerschoul ze kommen. Mat zwou Ënnerbriechungen ass hien do bliwwe bis zu senger Pensioun am Joer 1954.

Hie war de Papp vum Josy (1920-1944) a Léon Noesen (1923-1996) an de Schwoer vum Franz Binsfeld.

Wierker

• Aus stillen Winkeln (Lies mich, 5. Band). Heimaterzählungen. Illustrationen mit Original-Linoleumschnitten von Nico Klopp. 1926, St. Paulus-Druckerei
• Rebengrün und Ginstergold (Lies mich, 6. Band). Heimaterzählungen. Illustrationen mit Original-Linoleumschnitten von Nico Klopp. 1928, St. Paulus-Druckerei
• Die Reiherjagd und andere Geschichten. 1931, Worré-Mertens
• D'Land önnerem Rébo'. E Buch fir Letzeburger Kanner, zesumme mam L. Senninger; il. Leo Loschetter. 1944, St. Paulus Druckerei, Luxemburg
• Bedrängte Heimat. 1946. St. Paulus-Druckerei
• Briefe um ein Bildnis. 1946, Buchdruckerei P. Linden
• Geschichte der luxemburger Jugendliteratur. 1951, St. Paulus-Druckerei
• Besonnte Dinge. 1952, St. Paulus-Druckerei

Gielercher

• Officier vum Ordre de la couronne de chêne (Promotioun 1956)

Nom Paul Noesen benannt

• eng Strooss rue Paul Noesen: zu Ierpeldeng (PLZ 5422) an an der Stad Lëtzebuerg (PLZ 2228)