Par Monnerech-Schëffleng-Steebrécken Notre-Dame-de-l'Évangile
D'Par Monnerech-Schëffleng-Steebrécken Notre-Dame-de-l'Évangile ass eng vun den 33 kathoulesche Paren, déi de 7. Mee 2017 mat engem Dekreet vum Bistum Lëtzebuerg entstane sinn.[1]
Se gehéiert zum Dekanat Süden-West an ersetzt déi 3 fréier Pare Monnerech, Steebrécken a Schëffleng. D'Uertschaft Wickreng, déi fréier zur Par Steebrécke gehéiert huet, gëtt ofgetrennt.
D'Par läit um Gebitt vun de Gemenge Monnerech a Schëffleng.
D'Patréinesch vun der Par ass d'Muttergottes vum Evangelium.
D'Parkierch gouf 2017 nach net festgeluecht a soll bannent den nächsten dräi Joer bestëmmt ginn.