Nordesch Kombinatioun

D'Nordesch Kombinatioun ass eng Sportsdisziplin vun den Olympesche Spiller. Et ass eng Kombinatioun tëscht Schisprangen a Schilaanglaf. Dës Kompetitioun ass fir d'éischt bei den Olympesche Wanterspiller vun 1924 zu Chamonix dobäi gewiescht.

Reegelen

Et gëtt dräi verschidde Kompetitiounen am Nordesche Schi a si ginn allen dräi an zwéin Deeg ofgehalen. Am Eenzel gëtt op enger Schanz vun 90 m gesprongen. Am Sprint an an der Ekipp ass et eng vun 120 m. D'Laanglafstreck huet am Eenzel 15 km, am Sprint 7.5 km an an der Ekipp 4 x 5 km.

Am Eenzel

All Athleet spréngt zweemol vun der Schanz a seng Punkte ginn notéiert. Den zweeten Dag start deen éischten aus dësem Klassement och als éischten. Déi aner starten an der Reiefolleg wéi se mat der Gundersen-Method errechent ginn ass.

Sprint

Den éischten Dag maachen d'Konkurrente just ee Sprong vun der grousser Schanz, den zweeten Dag e Laanglaf vu 7,5 km.

An der Ekipp

All Mannschaft besteet aus 4 Sportler. Hir Resultater beim Sprange ginn zesummegerechent a sou wéi beim Eenzel gi se dann op Basis vun deem Resultat deen aneren Dag op d'Piste geschéckt.

Um Spaweck

Commons: Nordic combined – Biller, Videoen oder Audiodateien