Nicolas Martha
Den Nicolas Martha, gebuer de 7. November 1820 an der Stad Lëtzebuerg[1] an do gestuerwen de 4. September 1898[2], war vun 1847 u Mathematiksprofesser am Stater Kolléisch.
| Nicolas Martha | |
|---|---|
 | |
| Gebuer | 7. November 1820 |
| Gestuerwen | 4. September 1898 |
| Aktivitéit | Lycéesprofesser, Mathematiker |
 | |
Hie war och un der Grënnung vun der Spuerkeess bedeelegt a gouf 1856 hiren éischten Direkter, eng Plaz déi e bis zu sengem Doud behalen huet.
Den Nicolas Martha war zesumme mam Dicks a Michel Lentz, 1849 ee vun de Matgrënner vum éischte Stater Turnveräin, der Gym, där hire President hie war.
Vun 1863 bis 1875 war hie Member vum Stater Gemengerot, déi 5 lescht Joer dovun als Schäffen.[1]
Hien huet verschidden Aarbechten iwwer Mathematik geschriwwen an e Rapport iwwer Gemengenaffäre vun der Stad Lëtzebuerg (1874-75).
Den Nicolas Martha war e lëtzebuergesche Fräimaurer.[3]
Gielercher an Éierungen änneren
- Officier vum Ordre de la couronne de chêne (Promotioun 1876)[1]
Fir un hien z'erënnere gouf zu Bouneweg eng Strooss no him benannt.
Um Spaweck änneren
Referenzen änneren
- ↑ 1,0 1,1 1,2 (fr)Nécrologie. L'indépendance luxembourgeoise. eluxemburgensia.lu (5. September 1898). Gekuckt de(n) 2023-04-11.
- ↑ (fr)Etat civil de la ville de Luxembourg - Décès. L'indépendance luxembourgeoise. eluxemburgensia.lu (10. September 1898). Gekuckt de(n) 2023-04-11.
- ↑ Quelques francs-maçons luxembourgeois célèbres | Grande Loge de Luxembourg. www.grande-loge.lu. Gekuckt de(n) 2023-04-11.