Andy Genen

Den Andy Genen, gebuer den 22. Abrëll 1979 zu Lëtzebuerg, ass e lëtzebuergesche Comiczeechner a publizéiert ënner sengem Numm oder ënner sengem Label ND!. Heiansdo ënnerschreift en och mat "Happy ant".

Andy Genen
Pseudonym	-ND!-, -ND!- Genen
Gebuer	22. Abrëll 1979 Lëtzebuerg
Nationalitéit	Lëtzebuerg
Aktivitéit	Comicauteur
Famill
Papp	Albert Genen

Den Andy Genen ass professionellen Zeechner an huet säin Atelier zu Bréissel. Ee vu sengen éischten Optrëtter an der Ëffentlechkeet war eng Planche, déi am Superjhemp-Album De Fluch vun der 23 vum Roger Leiner a Lucien Czuga publizéiert gouf. Duerno ass an der Revue den éischten Deel vun der Bande dessinée De leschte Ritter publizéiert ginn. Den Zeenario fir déi BD an 3 Deeler ass vum Lucien Czuga.

Den Andy ass de Jong vum Albert Genen.

Wierker

• 2005 - De leschte Ritter 1 (De Schatz vun Draachesteen) - Éditions Revue (Bd)
• 2006 - Happy anthology - The art of ND! - Happy ant studios - 2006
• 2007 - De leschte Ritter 2 (De Schwuer vun den Tempelritter) - Éditions Revue (Bd)
• 2007 - Sasquatch - Viper Comics (USA) - Bande dessinée (Anthologie)
• 2007 - Outline 1 - Verlag TheNextArt - Bande dessinée (Anthologie)
• 2008 - Outline 2 - Verlag TheNextArt - Bande dessinée (Anthologie)
• 2009 - De leschte Ritter 3 (D'Reider vun der Apokalypse) - Éditions Revue (Bd)
• 2012 - De roude Puma - Éditions Schortgen
• 2013 - Gefaangen an der Diddelenger Geschicht - Band 2 - Éditions Schortgen (zesumme mam Rech John)
• 2015 - De Roude Puma an de Superjhemp krossen ouwer! - De Verlaach
• 2016 - Déi schéinste Mythen op Lëtzebuergesch - Band I - Griicheland - Editioun Friederich-Schmit
• 2017 - Déi schéinste Soe vu Lëtzebuerg - Band 1 - Éditions Revue, Editioun Friederich-Schmit
• 2017 - Dem Junior seng Aventuren - Band 3 - Éditions Schortgen (zesumme mam Rech John)

Kuckt och

• Comic
• Comicszeechner zu Lëtzebuerg