Marthe Bigelbach-Fohrmann

Dësen Artikel iwwer e Politiker ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Marthe Bigelbach-Fohrmann, gebuer als Marthe Fohrmann de 7. Mee 1933 zu Diddeleng, a gestuerwen de 7. September 1995 zu Lëtzebuerg, war eng Lëtzebuerger LSAP-Politikerin.

Marthe Bigelbach-Fohrmann
Gebuer	7. Mee 1933 Diddeleng
Gestuerwen	7. September 1995 Lëtzebuerg
Nationalitéit	Lëtzebuerg
Aktivitéit	Politiker
Partei	LSAP
Member vun	LSAP
Famill
Papp	Jean Fohrmann

Marthe Fohrmann

Si war eent vun den Zwillingsmeedercher vum spéideren Deputéierten a Buergermeeschter Jean Fohrmann. Hir Sëschter ass d'Mamm vum Alex Bodry.

D'Marthe Fohrmann huet sech vun 1948 u bei de Jeunesses socialistes engagéiert si sech a se gouf 1972 gëtt d Sektiounspresidentin vun de Femmes socialistes zu Diddeleng. 1978 huet si Akzenter an der Debatt ronderëm d'Reegelung vum Avortement gesat a sech am Mee 1979 fir d'Ofschafe vun der Doudesstrof agesat.

Si war vun 1974-1979 Deputéiert a vun 1976-1988 Member vum Diddelenger Gemengerot.

No hir genannt

Strooss zu Diddeleng

Am Kader vum internationale Fraendag 2019 huet d'Gemeng Diddeleng am Quartier Lenkeschléi fënnef Stroossen an eng Plaz no Diddelenger Frae genannt, déi an hirer Zäit Virreiderinne waren a sech no hire politeschen, privaten oder berufflechen Iwwerzeegungen engagéiert hunn. Dorënner d'Rue Marthe Bigelbach-Fohrmann an Erënnerung un d'Marthe Fohrmann.

Literatur

• Anne Julie Heintz, Düdelingen entdeckt seine weibliche Seite op wort.lu den 8. Mäerz 2019 an an der Drockversioun vum Luxemburger Wort vum 9. / 10. Mäerz 2019, S. 40-41, ënnert dem Titel Starke Frauen, starke Geschichten.

Um Spaweck

• Biographie vun der Marthe Bigelbach-Fohrmann op der Säit vun der LSAP