Luxaviation

Luxaviation (ICAO-Code LXA) ass eng lëtzebuergesch Fluchgesellschaft, déi op Geschäftsflich (ë. a. Loft-Taxi Servicer) spezialiséiert ass. Et ass, no Netjets (eng Filial vu Berkshire Hatheway vum Warren Buffet), deen zweetgréissten Organisateur vu Geschäftsflich op der Welt.

Luxaviation
Grënnungsdatum	13. Juni 2008
Generaldirekter	Joachim Kruger
Mataarbechter	35
	(2022)
RCS	B139535
Homepage	http://www.luxaviation.lu

De Grënner vun der Luxaviation Grupp ass de Patrick Hansen, mat Kapital ë. a. vum russesche Milliardär Nikolay Bogaschev, via deem seng Firma Young Energy Prize (YEP). Méi spéit huet den China Minsheng Investment Group een Drëttel vum Kapital iwwerholl.

Si besëtzt selwer wéineg Fligeren, wéi villméi Bedeelegungen (ganz oder majoritär) u Gesellschaften, déi am Organiséiere vu Flich a Privatfligere Leader op hiren nationale Mäert sinn: Fairjets (Däitschland), Abelag (Belsch), Unijet (Frankräich), London Executive Aviation (Vereenegt Kinnekräich), Masterjet (Portugal) an ExecuJet (Schwäiz). Luxaviatioun huet och eng Bedeelegung um britteschen Helikopterbedreiwer Starspeed Ltd.

Flott vun der Luxaviation

Aktuell Flott

Registréiert Fligeren (Stand: August 2024)

Foto	Immatr.	Constructeur	Typ	Famill	Motoren	Baujoer	Asaz Luxaviation
	LX-TRO	Embraer	Legacy 650	Embraer ERJ-145	2x AN AE3007A2	2010	Feb 2020

Fréier Fligeren

Am Juni 2017 hunn hir dës Fligere gehéiert:

Fllijertyp	Zuel	bestallt	Remarquen
Bombardier Challenger 300	02
Bombardier Challenger 605	01
Bombardier Global Express	01
Cessna Citation Excel/XLS(+)	03
Embraer Legacy 600	03
Piaggio P.180	01
Total	11	–

Literatur

• Pierre Sorlut: "Hansen, Pauly et cash." in: d'Lëtzebuerger Land Nr.44, 1. November 2019, S.8.

Um Spaweck

Commons: Luxaviation – Biller, Videoen oder Audiodateien

• Luxaviation
• Luxemburger Anbieter von Privat- und Geschäftsflügen verkauft Wartungsgeschäft und setzt auf VIP-Tourismus 16. November 2019, wort.lu