Mannheim
Mannheim ass eng däitsch Industrie-, Handels- an Universitéitsstad am äussersten Nordweste vu Baden-Württemberg.
| Mannheim | |
|---|---|
 | |
 Vue op Mannheim | |
| Land | Däitschland |
| Bundesland | Baden-Württemberg |
| Regierungsbezierk | Karlsruhe |
| Krees | Stadkrees |
| Buergermeeschter | Ludwig Ratzel |
| Awunner | 311.831 (31 Dezember 2021) |
| Fläch | 144.96 |
| Héicht | 97 |
| Koordinaten | 49°29'16"N, 8°27'58"O |
| Telefonszon | 0621 |
| Postcode | 68159 |
| Websäit | https://www.mannheim.de/ |
| Jumelage mat | Swansea, Toulon, Windsor, Chișinău, Klaipėda, Haifa, Czernowitz |
 | |
GeschichtÄnneren
1929 gouf zu Mannheim en Uewen entdeckt, deen tëscht dem Joer 74 n. Chr. bis an dat fréit 2. Joerhonnert a Betrib war. En Duerf mam Numm Mannenheim dogéint ass am Joer 766 fir d'éischt an engem Dokument ernimmt ginn.
Am Zweete Weltkrich ass d'Stad duerch Loftattacke bal komplett zerstéiert ginn. 1945 ass se vun amerikaneschen Truppe besat ginn.
GeographieÄnneren
Mannheim läit um Zesummefloss vum Neckar an de Rhäin an huet ëm déi 300.000 Awunner, dovun iwwer 20% Auslänner. Op der anerer Säit vum Rhäin läit hir rheinland-pfälzesch Schwësterstad Ludwigshafen. Och vun Heidelberg ass Mannheim nëmmen e puer Kilometer ewech.
WirtschaftÄnneren
Mannheim ass de Produktiounssite vun enger Rei grousser Betriber, wéi Daimler (Motoren), EvoBus (Busser), ABB (Elektrotechnik), Alstom (Energie), John Deere (Landwirtschaftsmaschinnen), Roche (Pharma-Entreprise).
SportÄnneren
Déi bekanntst Sportsclibb sinn d'Adler Mannheim (Äishockey), d'Rhein-Neckar Löwen (Handball) an de VfR Mannheim (Foussball).
Kultur a KuckenswäertesÄnneren
Bekannt kulturell Institutiounen zu Mannheim sinn den Nationaltheater Mannheim an d'Kunsthalle Mannheim. Donieft gëtt et och e grousst Schlass.
Mannheim läit op der Burgenstraße[1] an ass d'Start- an Ziluertschaft vun der Bertha Benz Memorial Route[2] an der Straße der Demokratie[3].
Perséinnlechkeeten aus MannheimÄnneren
Zu de bekannte Mannheimer zielen de Poet Friedrich Schiller, den Ingenieur Carl Benz an de Sänger Xavier Naidoo.
Um SpaweckÄnneren
| Commons: Mannheim – Biller, Videoen oder Audiodateien |
