Liège-Bastogne-Liège 2020

Liège-Bastogne-Liège 2020 war déi 106. Editioun vun dëser Vëloscourse fir Hären, op der Strooss. Si gouf de 4. Oktober 2020 gefuer an ass eng Kompetitioun vun der UCI World Tour 2020 an der Kategorie 1.UWT. Normalerweis gëtt Liège-Bastogne-Liège als drëtt Course vun de sougenannten Ardenneklassiker am Abrëll gefuer, wéinst der COVID-19-Pandemie ass se 2020 an den Oktober geréckelt ginn.

Liège - Bastogne - Liège 2020
Detailer
Course	106. Liège-Bastogne-Liège
Kompetitioun	UCI World Tour 2020 1.UWT
Datum	4. Oktober 2020
Distanz	257 km
Land	Belsch
Depart	Léck
Arrivée	Léck
Ekippen	25
Um Depart	175
Ukomm	125
Vitess (Moyenne)	39,333 km/h
Palmarès
Gewënner	Primož Roglič (Jumbo-Visma)
Zweeten	Marc Hirschi (Team Sunweb)
Drëtten	Tadej Pogačar (UAE Team Emirates)
◀2019	2021▶
	Dokumentatioun

Den Depart war zu Léck an d'Arrivée war no 258 km och nees zu Léck. Vun 1992 bis 2018 war d'Arrivée zu Ans.

D'Course gouf vum Sloveen Primož Roglič dee fir d'Ekipp Jumbo-Visma fiert, gewonnen. Ganz bosseg war 2020 datt den Julian Alaphilippe um Sprint virun der Arrivée, knapps 15 Meter ier en ukoum, scho gemengt hat e wär de Gewënner, an d'Hänn an d'Luucht geheit; de Roglič huet vun dësem faux-pas profitéiert an ass dunn och effektiv als Éischten ukomm. Den Alaphilippe gouf doropshin vun den Organisateuren op déi 5. Plaz zeréckgesat, well hie bei sengem Sprint onsportlech géintiwwer dem Marc Hirschi gefuer ass (wéi hie wärend dem Sprint seng Linn geännert huet an doduerch den Hirschi beim Fuere gestéiert.)

Lëtzebuerger um Depart

Am Ganze waren 175 Coureuren um Depart, dovun déi dräi Lëtzebuergesch Coureuren Alex Kirsch, Bob Jungels a Michel Ries. De Bob Jungels koum als 92. iwwer d'ligne d'arrivée, de Michel Ries gouf 119. Den Alex Kirsch ass d'Course net op en Enn gefuer.

Koppen déi gefuer goufen

	Numm	km	Längt (m)	Pente (moyenne)	km vun der Arrivée
1	Côte de la Roche-en-Ardenne	75	2 900	5,6 %	181
2	Côte de Saint-Roch	121	1 000	11,2 %	135
3	Côte de Mont-le-Soie	161	4 000	6,1 %	95
4	Côte de Wanne	169,5	2 800	7,4 %	86,5
5	Côte de Stockeu	176	1 000	12,5 %	80
6	Côte de la Haute-Levée	181,5	3 600	5,6 %	74,5
7	Col du Rosier	194,5	4 400	5,9 %	61,5
8	Col du Maquisard	207	2 500	5 %	49
9	Côte de La Redoute	219	2 000	8,9 %	37
10	Côte des Forges (Stèle Stan Ockers)	231	1 530	6,9 %	25
11	Côte de la Roche-aux-faucons	241	1 300	11 %	15

Klassement

Generalklassement Coureur Land Ekipp Zäit 1. Primož Roglič Slowenien Jumbo-Visma 6 h 32 min 02 s 2. Marc Hirschi Schwäiz Team Sunweb + 0 s 3. Tadej Pogačar Slowenien UAE Team Emirates + 0 s 4. Matej Mohorič Slowenien Bahrain McLaren + 0 s 5. Julian Alaphilippe Frankräich Deceuninck-Quick Step + 0 s 6. Mathieu van der Poel Holland Alpecin-Fenix + 14 s 7. Michael Woods Kanada EF Pro Cycling + 14 s 8. Tiesj Benoot Belsch Team Sunweb + 14 s 9. Warren Barguil Frankräich Arkéa-Samsic + 14 s 10. Michał Kwiatkowski Polen Ineos Grenadiers + 14 s

Source: ProCyclingStats

Maskéiert Coureure beim Depart.