Le Bonhomme

Le Bonhomme ass eng franséisch Gemeng am Departement Haut-Rhin, an der Collectivité européenne d'Alsace an der Regioun Grand Est.

Le Bonhomme
Vue an d'Uertschaft Vue an d'Uertschaft
Land	Frankräich
Regioun	Grand Est
Territorial Kollektivitéit	Collectivité européenne d'Alsace
Departement	Haut-Rhin
Arrondissement	Colmar-Ribeauvillé
Kanton	Sainte-Marie-aux-Mines
Postcode	68650
Gemengecode	68044
Koordinaten	48° 10’ 24’’ N       07° 06’ 51’’ O
Fläch	2 198 ha
Bevëlkerung	743 (2018)

D'Gemeng gehéiert zu den 198 Gemengen déi de Parc naturel régional des Ballons des Vosges bilden.

Geographie

Duerch d'Uertschaft leeft de klenge Floss Béhine.

Verkéier

D'Haaptverkéiersachs a West-Ost Richtung ass d'Departementsstrooss D415 déi vu Westen aus dem Dall vun der Meurthe iwwer de Col du Bonhomme kënnt an dann duerch den Dall vun der Béhine iwwer Lapoutroie op Kaysersberg féiert. Vun Norde kënnt aus der Nopeschgemeng Sainte-Marie-aux-Mines d'D48 iwwer de Col des Bagenelles. D'D148 kënnt vun Norden aus der Nopeschgemeng La Croix-aux-Mines a leeft op der Westgrenz als Route des Crêtes bis op de Col du Bonhomme. Vun do leeft se weider no Süden op de Col du Louschbach an dann no Osten op de Col du Calvaire fir dann nees zeréck no Süden ze lafen an um Reichsberg an d'Nopeschdepartement ze komme fir do als D61 weiderzelafen.

Trivia

Le Bonhomme war an der Päerdswelt bekannt well um Ecart La Graude vun Enn der 70er Joren déi éischt Appaloosaszuucht a Frankräich war an déi eenzeg déi Foundation Appaloosaen vun der Ulrich Ranch aus dem Wyoming als Stackmaterial hat.

Kuckt och

• Departement Haut-Rhin
• Arrondissementer am Departement Haut-Rhin
• Kantonen am Departement Haut-Rhin
• Lëscht vun de Gemengen am Departement Haut-Rhin