Lasne (Baach)

D'Lasne, am Flämesche Brabant als Lane op der topographescher Kaart ze fannen ass e klenge Floss an der belsche Provënze wallounesche Brabant a flämesche Brabant. Et ass en Niewefloss vun der Dijle a gehéiert domat zum Baseng vum Escaut.

Lasne

D'Lasne zu Terlanen
Längt	26 km
Hydrographesche Baseng	Escaut
Fläch vum Baseng	109 km²
Originn
Originn	Quell
Plaz	Plancenoit
Héicht	110
Koordinaten	50° 39’ 33.06’’ N       04° 25’ 37.79’’ O
Konfluenz
Leeft an	Dyle
Plaz	Sint-Agatha-Rode
Héicht	30 m
Koordinaten	50° 47’ 34.39’’ N       04° 38’ 15.10’’ O
Haaptnieweflëss	Smohain - Argentine
Geographie
Land	Belsch
Uertschaften	Plancenoit – Couture-St.-Germain Lasne - Rixensart Overisje – Sint-Agatha-Rode

D'Lasne huet hir Quell an de Wisen um südleche Bord vun der Uertschaft Plancenoit hanner den Haiser vun der Rue de la Bachée déi tëscht der Rue al'Gatte an dem Clos de la Neuve Cour stinn. Vun do leeft se eng ronn 600 Meter a Réier ier se op der Héicht vun der Rue d'Anogrune aus dem Buedem kënnt. Duerno leeft se eng honnert Meter no Süde bis bei d'Pompelstatioun vun de Bréisseler Waasserwierker, wou da vu riets de Ruisseau des Broues draleeft. Vun do leeft se dann haaptsächlech an nordëstlecher Richtung duerch oder laanscht Couture-Saint-Germain, Lasne, Rixensart , Overijse an Huldenberg fir nërdlech vu Sint-Agatha-Rode um Sint-Agathaveld an d'Dijle ze lafen.

Hir Haaptnieweflëss sinn d'Argentine an de Smohain.

Ënner dem N° BE31003 ass den Dall vun der Lasne an de Gemenge Rixensart a Wawre mat 432,65 ha als Natura 2000-Gebitt klasséiert. En décke Veirel vun der Fläch besteet aus Bichebëscher vum Typ Atlantesche Buchebësch op sauerem Buedem. Weider drësseg Hektar bestinn aus Abëscher.

Chaînage

Baseng	Niewewebaseng	Direkt Nieweflëss	Rang 3	Rang 4	Rang 5
Escaut	Rupel	Dijle	Lasne	Argentine	Mazerine
				Ruisseau Monseigneur
				Ry Margot
				Ry d'Heuchaux
				Smohain
				Ruisseau des Brous

Um Spaweck

Commons: Lasne – Biller, Videoen oder Audiodateien