Kirkwood-Fräiraum

D'Kirkwoodplazen an der Haaptasteroidenceinture entspriechen de Bunne mat Ëmlafzäiten, déi an engem ganzzuelege Verhältnes zu der Ëmlafzäit vum Jupiter stinn. Asteroide mat dëse Bunne kënnen net iwwer laang Zäit do existéiieren, well d'Resonanze mam Jupiter optrieden.

Verdeelung vun de grousse Asteroidebunnhallefachsen an der Haaptasteroidenceinture. D'Feiler markéieren d'Distanzen, an deenen Objeten an enger Bunnresonanz mat dem Jupiter sinn, woubäi déi éischt Ziffer d'Zuel vun den Asteroidenëmleef ugëtt.

D'Verhältnes vun den Ëmlafzäite bréngt et mat sech, datt op e sou een Asteroid periodesch déi grouss Gravitatioun vum Jupiter wierke kann. Als Folleg dovu gëtt den Asteroid aus dëser Bunn no bannen oder baussen hin ofgeleet. An der Verdeelung vun de grousse Bunnhallefachsen resp. Ëmlafzäiten entsteet e Fräiraum.

E Verhältnes vu 5:2 beispillsweis seet, datt d'Dauer vu fënnef Ëmleef vum Asteroid gläich der Dauer vun zwéi Jupiterëmleef ass. Well de Jupiter 11,86 Joer fir e Sonnenëmlaf baucht, widderhuele sech all 23,72 Joer d'Verhältnesser fir en Asteroid mat 4,74 Joer Ëmlafzäit.

De Fräiraum gouf nom Daniel Kirkwood genannt, deen déi Plazen am Joer 1866 no statisteschen Ënnersich vun de grousse Bunnhallefachsen entdeckt hat.

Opfälleg Fräiraim

Als opfälleg Fräiraim gëllen:

4

1-Resonanz: Si läit bei 2,07 AE a begrenzt d'Haaptasteroidenceinture no bannen. Dës Säit vum Fräiraum leien d'Asteroide vun der Hungaria-Grupp.

3

1-Resonanz (Hestia-Fräiraum): Si läit bei 2,50 AE a formt d'Grenz tëscht banneschter a baussechter Haaptceinture. Si ass den Urspronk vun den Alinda-Asteroiden, déi duerch Bunnstéierungen op stänneg exzentresch Bunne gelenkt goufen.

5

2-Resonanz: Si läit bei 2,82 AE a begrenzt d'Koronis-Asteroidengrupp no bannen.

7

3-Resonanz: Si läit bei 2,96 AE a begrenzt d'Koronis-Asteroidengrupp no baussen.

2

1-Resonanz (Hecuba-Fräiraum): Si läit bei 3,28 AE a formt déi baussecht Grenz vun der Haaptasteroidenceinture. Déi Säit leien d'Cybele-Asteroiden.

Stabiliséierend Resonanzen

Bestëmmt Resonanzen halen awer och d'Asteroiden an hirer Bunn fest. Dat si beispillsweis:

7

4-Resonanz (3,58 AE): Cybele-Grupp

3

2-Resonanz (3,97 AE): Hilda-Grupp

4

3-Resonanz (4,29 AE): Thule-Grupp

1

1-Resonanz (5,20 AE): Trojaner

Déi Resonanze leie baussenzeg vun der Graphik uewen.