Kierch Lëllgen

D'Kierch zu Lëllgen ass eng kathoulesch Kierch, déi zur Par Wëntger Sainte-Famille, zum Dekanat Norden an zu der Gemeng Wëntger gehéiert.

Kierch vu Lëllgen
Filialkierch vu Lëllgen (2014) Filialkierch vu Lëllgen (2014)
Uertschaft / Plaz	Lëllgen
Par	Wëntger Sainte-Famille
Dekanat	Norden
Numm / Patréiner	Onbefleckt Empfängnis
Konsekratioun	1721
Baujoer	1717
Koordinaten	50° 03’ 29.5’’ N       05° 56’ 25.0’’ O
Kierchen - Kapellen

D'Kierch ass der Onbefleckter Empfängnis geweit. D'Fest gëtt den 8. Dezember gefeiert.

D'Kierch steet am südlechen Deel vun der Uertschaft. Ronderëm d'Kierch ass de Kierfecht ugeluecht.

D'Kierch vun Lëllgen huet 2 Klacken am Toun h' a'.

Geschicht

D'Kierch gouf 1717 ënner dem Paschtouer Michaele Pickert gebaut. Se gouf 1721 konsekréiert. 1918 gouf d'Kierch no engem Feier nei opgebaut. Déi zwéi barock Säitenaltär stamen aus dem Greeff-Atelier vu Munneref.

Bis de 7. Mee 2017 war et d'Parkierch vun der Par Lëllgen, déi zum Parverband Ëlwen, Wäiswampech, Wëntger, zu der Pastoralregioun Norden an zum Dekanat Klierf gehéiert huet. Et war déi eenzeg Kierch an dëser Par.

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kierch Lëllgen – Biller, Videoen oder Audiodateien

• Websäit vun der Par Wëntger Sainte-Famille
• D'Fënstere vun der Kierch vu Lëllgen op der Websäit vun der Stiftung Forschungsstelle Glasmalerei des 20. Jh. e. V. (de)

• 
  D'Kierch vu Süde gesinn
• 
  D'Kierch an de Kierfecht vun Nordweste gesinn