Kierch Hëpperdang

D'Kierch zu Hëpperdang ass eng kathoulesch Kierch, déi zur Par Clierf Saint-Benoît, zum Dekanat Norden an zu der Gemeng Klierf gehéiert.

Kierch vun Hëpperdang
Filialkierch vun Hëpperdang (2014) Filialkierch vun Hëpperdang (2014)
Uertschaft / Plaz	Hëpperdang
Par	Clierf Saint-Benoît
Dekanat	Norden
Numm / Patréiner	Hl. Johannes
Koordinaten	50° 05’ 40.1’’ N       06° 03’ 34.2’’ O
Kierchen - Kapellen

De Patréiner vun der Kierch ass den hellege Johannes den Deefer, deem säi Fest de 24. Juni gefeiert gëtt.

D'Kierch steet op der Kräizung vun der Duarrefstrooss mat der Grandserstrooss, déi allebéid zum CR339A gehéieren. Ronderëm d'Kierch sinn nach vill Grafsteng vum ale Kierfecht ze gesinn. Säitlech un der Kierch ass de Monument aux Morts fir d'Affer vum Zweete Weltkrich. En zweet Monument nieft der Kierch erënnert un zwéin Zaldote vun den Alliéierten, déi de 27. Mee 1944 zu Hëpperdang mat hirem Mosquito erofgefall sinn an do begruewe sinn. Domat gehéiert de Kierfecht zu de Commonwealth-Griewer.

Geschicht

Bis de 7. Mee 2017 war et d'Parkierch vun der Par Hëpperdang. Zur fréierer Par Hëpperdang hunn ausser der Parkierch och nach d'Kapell vu Grandsen an d'Kapell vun Ischpelt gehéiert.

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kierch Hëpperdang – Biller, Videoen oder Audiodateien

• Websäit vun der Par Clierf Saint-Benoît
• D'Fënstere vun der Kierch vun Hëpperdang op der Websäit vun der Stiftung Forschungsstelle Glasmalerei des 20. Jh. e. V. (de)

• 
  D'Kierch vu Südweste gesinn
• 
  Altor an der Kierch
• 
  Monument aux Morts nieft der Kierch
• 
  Graf vun 2 Zaldote vun den Alliéierten