Jousefskierch zu Boufer

D'Jousefskierch zu Boufer ass eng kathoulesch Kierch, déi zur Par Miersch Saint-François, zum Dekanat Zentrum an zu der Gemeng Luerenzweiler gehéiert. Si steet op der Haaptstrooss, offiziell d'N7 (route de Luxembourg).

Kierch vu Boufer

Uertschaft / Plaz

Boufer

Par

Par Miersch
Saint-François

Dekanat

Zentrum

Numm / Patréiner

Hl. Jousef

Koordinaten

49° 41’ 22.1’’ N
06° 08’ 27.2’’ O

Kierchen - Kapellen

1886 ass mat dem Bau vun dëser klenger Kierch ugefaange ginn. De Grondstee gouf wärend der Kiermes vu Luerenzweiler geluecht. Den 20. Juni 1887 gouf d'Boufer Kierch, eng Filial vun där vu Luerenzweiler, ageweit. D'Initiative goung op d'Pescatoren zeréck, déi och den Terrain gestëft hunn. D'Kierch gouf vum Architekt Pierre Kemp am neigotesche Stil geplangt a vun de Bridder Kintzelé vu Luerenzweiler gebaut. Si ass dem hellege Jousef geweit, deem säi Fest den 19. Mäerz gefeiert gëtt.

Zur fréierer Par Luerenzweiler hunn ausser der Filialkierch vu Boufer och nach d'Parkierch vu Luerenzweiler an d'Filialkierch vun Hënsdref gehéiert.

Kuckt och

Lëscht vu reliéise Gebaier zu Lëtzebuerg

Um Spaweck

Commons: Jousefskierch zu Boufer – Biller, Videoen oder Audiodateien