Juliette Faber

D'Juliette Faber war eng franséisch Schauspillerin mat lëtzebuergeschen Originnen. Si ass den 19. Mäerz 1919 zu Gréiwemaacher gebuer, an den 13. Juli 2008 zu Pontoise (Val d'Oise) gestuerwen.

Juliette Faber
D'Juliette Faber, ufanks der 1950er Joren. Foto mat enger Widmung fir d'Carmen Ennesch.
Gebuertsnumm	Juliette Joséphine Madeleine Faber-Sangerma
Gebuer	19. Mäerz 1919 Gréiwemaacher
Gestuerwen	13. Juli 2008 Pontoise
Nationalitéit	Lëtzebuerg, Frankräich
Aktivitéit	Schauspiller

Hire Papp ass dräi Méint virun hirer Gebuert un der spuenescher Gripp gestuerwen. Am Joer 1923 huet hir Mamm sech fir d'zweet mat engem franséischen Offizéier bestuet. Dräi Joer laang huet si du mat hiren Elteren zu Sainte-Menehould gewunnt, fir duerno op Perpignan ze plënneren.

D'Juliette Faber huet Piano studéiert, an duerno huet si Art dramatique gemaach.

Zu Paräis gouf si fir den Theater entdeckt a si krut 1938 hir éischt Filmroll ugebueden. Nieft dem Theater huet si bis 1952 a ville Filmer matgespillt. Duerno ass hir Schauspillercarrière méi roueg verlaf.

Filmographie

Kino

• La vierge folle (1938) vum Henri Diamant-Berger
• Les jours heureux (1941) vum Jean de Marguenat
• Les inconnus dans la maison (1942) vum Henri Decoin
• Mariage d'amour (1942) vum Henri Decoin a Richard Pottier
• Picpus (1943) vum Richard Pottier
• Au bonheur des dames (1943) vum André Cayatte
• La tentation de Barbizon (1945) vum Jean Stelli
• L'école buissonnière (1948) vum Jean-Paul Le Chanois
• Le cas du Docteur Gallay (1949) vum Maurice Boutel
• Justice est faite (1950) vum André Cayatte
• Trafic sur les dunes (1951) vum Jean Gourguet
• Le bagnard (1951) vum Willy Rozier
• La vérité sur Bébé Donge (1952) vum Henri Decoin
• Nous sommes tous des assassins (1952) vum André Cayatte
• La foire aux femmes (1955) vum Jean Stelli
• Par-dessus le mur (1959) vum Jean-Paul Le Chanois
• L'ombre d'une chance (1974) vum Jean-Pierre Mocky
• Le chemin perdu (1980) vum Patricia Moraz

Televisioun

• La ligne de démarcation (1973)
• Les îles Nicobar (1974)
• Les anneaux de Bicêtre (1977)
• La foire (1977)
• Histoires de voyous: Les marloupins (1979)
• L'été indien (1980)
• Le bouffon (1981)
• Le curé de Tours (1980)
• L'Amour s'invente (1982)
• L'esprit de famille (1982)
• Un ange passe (1994)

Theater (Auswiel)

• La tête des autres (1952/53) vum Marcel Aymé
• Chéri (1949/50) vum Colette mam Jean Marais
• Un caprice (1948) vum Alfred de Musset
• L'annonce faite à Marie (1941) vum Paul Claudel
• Le bal des voleurs (1940) vum Jean Anouilh

Literatur

• Juliette Faber vum Raymond Chirat (1995), Cinémathèque de la Ville de Luxembourg, (60 Säiten)