Haaptmenü opmaachen

Jean Dujardin

franséische Schauspiller

De Jean Dujardin, gebuer den 19. Juni 1972 zu Rueil-Malmaison, Hauts-de-Seine, ass e franséische Schauspiller a Komiker.

Jean Dujardin
Christophe Lambert et Jean Dujardin (Cropped).jpg
Gebuertsnumm Jean Edmond Dujardin
Gebuer 19. Juni 1972
Rueil-Malmaison
Nationalitéit Frankräich
Aktivitéit Filmschauspiller, Komiker, Filmproduzent, Filmregisseur, Dréibuchauteur, Televisiounsschauspiller, Theaterschauspiller
Famill
Bestuet mat Nathalie Péchalat
Wikidata-logo-without-paddings.svg
De Jean Dujardin (2009)

Den Dujardin huet am Ufank als Schlässer geschafft. Duerno huet en ugefaangen, als Komiker a Cabareten, Bistroen an Theateren opzetrieden. Hie gouf Member vum Ensembel Nous C nous, mat deem en 1997 an 1998 an der Kategorie „Komiker“ beim Concours Graines de stars gewonnen huet. Bekannt gouf en duerch seng Roll, zesumme mat senger Fra Alexandra Lamy, an der franséischer Adaptatioun vun der kanadescher Sitcom Un gars, une fille, déi tëscht 1999 an 2003 an 312 Episoden ze gesi war.

Duerno hat en e puer Niewerollen a Filmer, a koum da mat Brice de Nice grouss eraus (iwwer 4 Millioune Spectateuren). Spéider hat en ë. a. d'Haaptroll an 99 francs an an den Agentefilm-Parodieën OSS 117: Le Caire, nid d'espions, (2007) an OSS 117: Rio ne répond plus, alle béid vum Michel Hazanavicius.

International Unerkennung krut e fir seng Haaptroll an The Artist (2011), och vum Hazanavicius. Fir seng Roll als George Valentine krut hien 2011 de Präis als de beschte männleche Schauspiller op den Internationale Filmfestspiller vu Cannes, an 2012 dofir ë. a. de Golden Globe Award, de Screen Actors Guild Award, de British Academy Film Award an den Oscar.

Filmographie (Auswiel)Änneren

Um SpaweckÄnneren

Commons: Jean Dujardin – Biller, Videoen oder Audiodateien