The Artist

The Artist ass e franséisch-US-amerikanesch-belsche schwaarzwäisse Stommfilm vum Michel Hazanavicius, deen och d'Dréibuch geschriwwen huet. En ass den 12. Oktober 2011 a Frankräich an de Kinoen ugelaf.

The Artist

Film
Produktiounsland	Frankräich, Belsch
Produktiounsjoer	2011
Première	15. Mee 2011
Dauer	100 min
Faarf	Schwaarz-Wäiss
Format	1,33:1
Filmformat	35 mm
Originalsprooch	Stommfilm
Ekipp
Regie	Michel Hazanavicius
Dréibuch	Michel Hazanavicius
Fotografie	Guillaume Schiffman
Musek	Ludovic Bource
Schnëtt	Anne-Sophie Bion, Michel Hazanavicius
Dekoren	Laurence Bennett
Produzent	Thomas Langmann
Produktiouns- gesellschaft	Studio 37 La Petite Reine La Classe Américaine JD Prod France 3 Cinéma Jouror Productions uFilm
Schauspiller
Jean Dujardin Bérénice Bejo James Cromwell John Goodman
Filmportal - Filmer no Joren - Film no Länner - Film no Genre

Wourëms geet et am Film?

De Film, deen um Enn vun den 1920er Joren zu Hollywood spillt, erzielt den Niddergang vun engem Stommfilmstar, dem George Valentine (Jean Dujardin), wéi den Tounfilm bis agefouert gouf, a parallel dozou den Opstig vun enger Dänzerin, der Peppy Miller (Bérénice Bejo), zu engem Hollywoodstar, a wéi sech hir 2 Weeër kräizen...

Iwwer de Film

De Film ass en Hommage un d'Stommfilm-Ära zu Hollywood, souwuel vun der Geschicht hier, wéi och vun der Form: De Film ass selwer a Schwaarzwäiss, am Stommfilmformat 1.25: 1 gedréint, an et gëtt sou gutt e wéi keen natierlechen Toun, just Musek, déi de Film ënnermoolt, a geleeëntlech en Tëschentitel.

De Film ass meeschtens e gellege Succès bei der Kritik, an huet eng jett Präisser an Auszeechnunge kritt: Interpretatiounspräis um Festival vu Cannes 2011, ë. a. 3 Golden Globes (bescht Comédie, beschte Schauspiller, bescht Musek), 7 BAFTA-Awards (wourënner Beschte Film, bescht männlech Haaptroll, bescht Kamera, bescht Dréibuch) 6 Césaren (dorënner beschte Film, bescht Regie a bescht Schauspillerin) a 5 Oscaren (dorënner dee fir de beschte Film an déi bescht männlech Haaptroll).