Jean-Pierre Bauer
De Jean-Pierre ("Jempy") Bauer, gebuer de 15. Juni 1888 am Neiduerf (deemools Gemeng Eech) a gestuerwen dem 3. Mäerz 1964 an der Stad Lëtzebuerg, war e lëtzebuergesche Politiker an Eisebunner[1].
| Jean-Pierre Bauer | |
|---|---|
| Gebuer |
15. Juni 1888 Neiduerf |
| Gestuerwen |
3. Mäerz 1964 Lëtzebuerg |
| Nationalitéit | Lëtzebuerg |
| Aktivitéit | Politiker, Eisebunner, Gewerkschaftler |
| Partei | LSAP |
 | |
Hien hat fir Schlässer geléiert. No e puer verschiddene Patronen, vun 1902 bis 1913, ass hie bei d'Guillaume-Luxembourg-Eisebunn schaffe gaangen. Hie gouf do 1919 Heizer, an 1938 Lokomotivféierer. 1946 gouf e pensionéiert.
De Jempy Bauer war Grënnungsmember vun der Eisebunnergewerkschaft FNC. 1937 huet hie bei de Gemengewalen an der Stad Lëtzebuerg kandidéiert a gouf zum Gemengerotsmember gewielt, a bis 1963 erëmgewielt.
Bei de Chamberwale vum 6. Juni 1937 gouf hien eng éischt Kéier fir d'Sozialistesch Partei an d'Chamber gewielt, a blouf Deputéierte bis 1959 (mat Ausnam vun de Krichsjoren 1940-1945).
Referenzen
änneren- ↑ Quell, wou net anescht uginn: Alex Bodry, Ben Fayot: 120 Jor Sozialistesch Deputéiert an der Lëtzebuerger Chamber. Dictionnaire biographique des députés socialistes à la Chambre des Députés. Éditions La Mémoire Socialiste, 2016, S.27.