Jean-Baptiste Determe
De Jean-Baptiste Determe, gebuer den 2. Juli 1741 zu Soller, a gestuerwen den 18. Januar 1787 zu Wien, war Paschtouer zu Wien.
| Jean-Baptiste Determe | |
|---|---|
 | |
| Gebuer |
2. Juli 1741 Soller |
| Gestuerwen |
18. Januar 1787 Wien |
| Nationalitéit | Herzogtum Lëtzebuerg |
| Aktivitéit | Kathoulesche Priister, Theolog |
 | |
Mat 10 Joer ass hien an Däitschland bei eng gutt situéiert Famill wunne gaangen, wou hien zesumme mat den zwéi Jongen aus dem Haus erzu gouf. Hien huet op den Universitéiten zu Prag a Wien Philosophie, Droit an Theologie studéiert. Seng Dokteraarbechten an den dräi Fächer huet hie mat summis cum laudibus ofgeschloss.
No sengem Studium gouf hie Paschtouer an e bemierkenswäerte Priedeger am Stephansdoum zu Wien. Hien huet zum éisträiche Krees vun de militante Janseniste gehéiert. D'Äerzherzogin vun Éisträich, d'Maria Theresia huet hien zu hirem Beichtpapp gemaach an hie gouf an den Adelsstand erhuewen. De Keeser Joseph II. huet hien als Gespréichspartner a politeschen a philosophesche Froen appreciéiert.
A sengem Gebuertsduerf Soller, an der Gemeng Wanseler, gouf eng Strooss no him genannt.
Um Spaweck
änneren- De J.-B. Determe op der Websäit vun der Gemeng Wanseler (archivéiert Versioun)