Hinterland

Hinterland ass en éisträichesch-lëtzebuergesch-däitsche Spillfilm vum Regisseur Stefan Ruzowitzky. E koum den 20. Oktober 2021 zu Lëtzebuerg an d'Kinoen.

Hinterland

Film
Produktiounsland	Éisträich Lëtzebuerg Däitschland
Produktiounsjoer	2021
Première	6. August 2021
Dauer	90'
Faarf	Faarweg
Originalsprooch	Däitsch
Ekipp
Regie	Stefan Ruzowitzky
Dréibuch	Robert Buchschwenter, Stefan Ruzowitzky, Hanno Pinter
Fotografie	Benedict Neuenfels
Musek	Kyan Bayani
Schnëtt	Oliver Neumann
Produzent	Oliver Neumann, Sabine Moser, Bady Minck, Alexander Dumreicher-Ivanceanu, Geneviève Lemal, Robert Marciniak
Produktiouns- gesellschaft	Amour Fou Luxembourg, FreibeuterFilm
Schauspiller
Murathan Muslu Liv Lisa Fries Max von der Groeben Marc Limpach Maximillien Jadin Timo Wagner Germain Wagner Jeanne Werner Nilton Martins Konstantin Rommelfangen Mö Sbiri Al Ginter
Filmportal - Filmer no Joren - Film no Länner - Film no Genre

Ëm wat geet et am Film?

De Peter Perg kënnt 1920 no 7 Joer russescher Krichsgefaangenschaft op Wien zeréck, wou vun der keeserlecher Pracht vu virum Krich näischt méi iwwreg ass. Als fréieren Detektiv ass hie mat engem grujelege Muerd un engem Krichskommerod konfrontéiert, a mecht sech, zesumme mat der Forensikerin Theresa Körner op d'Sich nom Mäerder...

Produktioun

De Lëtzebuerger Filmfong huet der Filmproduktiounsgesellschaft Amour Fou Luxembourg am November 2018 e Subside an Héicht vun 1,6 Milliounen Euro accordéiert, fir de Film ze produzéieren.

De Film gouf zu groussen Deeler am Filmland zu Kielen virun engem Greenscreen gedréint; dobäi goufen d'Hannergronddekore mat VFX akopéiert.

Auszeechnungen

Hinterland krut um 74. Interntionale Filmfestival vu Locarno de Publikumspräis.

Kuckt och

• Lëscht vu lëtzebuergesche Filmer

Um Spaweck

• Fiche op filmfund.lu.
• Trailer op youtube.com.
• ‘Hinterland’ Review: An Expressionist Murder Mystery Set in the Wake of World War I. Kritik op variety.com.