Henry Norris Russell

Den Henry Norris Russell, gebuer de 25. Oktober 1877 zu Oyster Bay, New York, a gestuerwen den 18. Februar 1957 zu Princeton, New Jersey, war en US-amerikaneschen Astronom.

Henry Norris Russell
Gebuer	25. Oktober 1877 Oyster Bay
Gestuerwen	18. Februar 1957 Princeton
Nationalitéit	USA
Educatioun	Princeton Universitéit
Aktivitéit	Astronom, Astrophysiker
Member vun	Royal Society, American Academy of Arts and Sciences, Académie des sciences, National Academy of Sciences, American Philosophical Society, American Astronomical Society, American Association for the Advancement of Science

De Russell huet de Bewäis bruecht, datt d'Sonn zum gréissten Deel aus Waasserstoff an Helium besteet an datt d'Elementer am Masseverhältnes 3:1 virkommen. Doroppshin huet de russesch-nordamerikanesche Physiker George Gamow gemengt, d'Energiequell vun der Sonn wier an der Verschmëlzung vu jee véier Waasserstoffkäre mat engem Heliumkär ze sichen an nennt dëse Prozess Kärfusioun respektiv Waasserstofffusioun (Waasserstoffbrennen). Dem Gamows seng Meenung soll sech spéider als richteg erausstellen.

Ëm 1910 entwéckelt de Russell an den Ejnar Hertzsprung den Hertzsprung-Russell-Diagramm.

Zesumme mam Frederick Albert Saunders (1875-1963) beschreift hien 1925 d'Russell-Saunders-Kopplung (kuckt Spin-Bunn-Kopplung, Reegele vum Hund).

Publikatioun

• Russell, H. N. & Saunders, F. A. (1925): New Regularities in the Spectra of the Alkaline Earths. Astrophysical Journal 61 (1925) 38

Biographie

• David H. DeVorkin: Henry Norris Russell: Dean of American Astronomers,2000, Princeton University Press, 528 Säiten.

Éierungen

• 1921 Goldmedail vun der Royal Astronomical Society
• 1925 Bruce Medail
• 1946 Henry Norris Russell Lectureship

Um Spaweck

• (en) Bruce Medalists
• (en) Säi Liewen
• (en) Dem Russell säi Liewen

Kuckt och

Portal Astronomie