Henri Roemer

Den Henri Roemer, gebuer de 26. November 1951 a gestuerwen de 25. Oktober 2020, war e lëtzebuergesche Foussballspiller, Foussballfonctionnaire, Mediemanager a Politiker (DP).

Henri Roemer
Gebuer	26. November 1951
Gestuerwen	25. Oktober 2020
Nationalitéit	Lëtzebuerg
Aktivitéit	Foussballspiller, Politiker, Manager
Veräin/Ekipp	Lëtzebuergesch Foussballnationalekipp

Liewen

Den Henri Roemen huet op der Université libre de Bruxelles an dunn op den Hautes Ecoles de Relations Internationales zu Paräis studéiert.

Hie war ë. a. vun 1981 bis 1988 Lëtzebuerger Konsul zu Paräis, an huet bei der CLT geschafft, wou hie gehollef huet, den hollänneschen RTL Programm opzebauen, deem säin Direkter e war. Hie war och an eng Zäit am Verwaltungsrot vum RTL Plus.

Hie war Foussballspiller bei Etzella Ettelbréck, FC Wolz 71 an Aris Bouneweg an huet tëscht dem 7. Oktober 1972 am 27. Mäerz 1976 5-mol fir déi lëtzebuergesch Foussballnationalekipp gespillt. Eng Blessur um Been huet senger Foussballercarrière en Enn gesat.

Vun 1998 bis 2004 war den Henri Roemer President vun der Fédération luxembourgeoise de football, dono vum FC Wolz. Hie war Member vum Exekutivcomité vun der UEFA an tëscht 2001 an 2006 Member vun der Commissioun Juridique vun der FIFA.

Wierker

• Henri Roemer: Europa: Idee und Wirklichkeit. Luxembourg: Offset Zierden, 1979.
• Henri Roemer (ed.): Gaston Thorn: 1928 - 2007. Esch-sur-Alzette: Polyprint, 2013. ISBN 978-99959-0-056-4
• Henri Roemer, Freddy Thyes: Die Erfolgsgeschichte von RTL 4: der wahre Bericht über den Aufbau von RTL Véronique und RTL 4 in Holland, erzählt von den Luxemburger Gründern. Déifferdeng: Éd. Revue, 2015. ISBN 978-99959-45-05-3

Um Spaweck

• Wierker an Artikele vum Henri Roemer op a-z.lu.