Gérard Thill

De Gérard Thill, gebuer den 13. Mäerz 1925 zu Brühl, ass e lëtzebuergesche Professer, Archeolog, Historiker, Auteur a Muséesdirekter a. D.

Gérard Thill
Gebuer	13. Mäerz 1925
Nationalitéit	Lëtzebuerg
Aktivitéit	Historiker

De Gérard Thill gouf no sengen Universitéitsstudien an der Reussite vun der Collation des grades Geschichtsprofesser am Secondaire. Seng Thees (1952) huet sech mat der Opléisung vum Stater Helleg-Geescht-Klouschter ënner dem Joseph II. (18. Jh.) beschäftegt.

1964 huet hien d'Nofolleg vum Josy Meyers als Direkter vum Nationalmusée um Fëschmaart an der Stad iwwerholl. Hien huet d'archeologesch Servicer vergréissert an d'Gruewunge staark gefërdert, besonnesch déi virgeschichtlech (Eisenzäit) an déi gallo-réimesch, wéi zu Giewel, Nouspelt, Steesel, Tëtelbierg, Duelem, asw. Hien huet och d'Bezéiungen zu auslännesche Kolleegen, Spezialisten a Fuerschungsinstituter ausgebaut.

Zanter 1965 ass de Gérard Thill Membre effectif vun der Section des Sciences historiques vum Institut grand-ducal.

1990 ass en a Pensioun gaangen. Zanterhier ass hien Éierendirekter vum Musée national d'histoire et d'art.

Literatur

• Matthias Paulke, Prof. Dr. h.c. Gérard Thill - zum 90. Geburtstag; in: Archaeologia luxemburgensis, 2, 2015; Ss. 8-13.; ISSN 2354-5526.

Publikatiounen (Iwwerbléck)

• Vor- und Frühgeschichte Luxemburgs ; Bd. I vum Handbuch der Luxemburger Geschichte in vier Bänden, für die Klassen des Sekundarunterrichts im Großherzogtum Luxemburg; Lëtzebuerg (Bourg-Bourger), 1973 (= 1. Oplo); 1977 (= 2. verbessert Oplo).
• Les époques gallo-romaine et mérovingienne au Musée d'Histoire et d'Art; Lëtzebuerg, 1972 (2. Oplo).
• Le couvent du Saint-Esprit; in: Hémecht, 1963; Ss. 169-219.

Gielercher

• Officier vum Ordre de Mérite du Grand-Duché de Luxembourg (Promotioun 1973)