Ferdinand

Op dëser Säit stinn eng Partie Artikele vu Leit, déi de selwechte Virnumm hunn an dofir ausernee gehale musse ginn. Fir méi Informatiounen, liest wgl. den Artikel iwwer d'Homonymie an der Wikipedia.

Ferdinand ass, am däitsch- a franséischsproochege Raum, e geleefege männleche Virnumm. Ferdinand gëtt et awer och seelen als Familljennumm.

Ferdinand
Geschlecht	männleche Virnumm
Namensdag	30. Mee
Ursprong
Sprooch	Germanesch
Genannt no	Ferdinand III.
Varianten
Alternativen	Ferd, Ferdi, Ferdchen, Fern, Ferni, Fenn, Fenni
Anert Geschlecht	Ferdinande
Änleche Familljennumm	Ferdinand

Ursprong a Bedeitung vum Numm

De Virnumm Ferdinand huet e germaneschen Urspronk a gëtt vum gotesche Frithinand ofgeleet. E besteet aus den Elementer 𐍆𐍂𐌹𐌸 Frith/Friþ („Fridden“) an 𐌽𐌰𐌽𐌸 nand/nanþ („Mutt“, „kéng sinn“). E gouf warscheinlech tëscht dem 5. an 8. Joerhonnert vun de Wisigoten op der ibeerescher Hallefinsel importéiert an do verbreet. Ënner anerem a Frankräich gouf de Ferdinand am spéide Mëttelalter vum alhéichdäitsche Fridunand iwwerholl.

Namensdag

De Ferdinand feiert säin Namensdag den 30. Mee, als Referenz un de Ferdinand III., e spueneschen Herrscher, deen 1230 d'Kinnekräicher vu Kastilien a León vereenegt huet an dee mat der Stauferprinzessin Beatrix bestuet war. Hie gouf 1671 vum Poopst Clément X. kanoniséiert.

Varianten an Ofkierzungen

Varianten am Lëtzebuergesche sinn: Ferd, Ferdi, Ferdchen, Fern, Ferni, Fenn, Fenni.

An anere Sprooche gëtt et eng sëllege Varianten, sou wéi och an hiren Diminutiv- oder Affektivformen, sou z B.: Ferdinant, Ferdinando, Ferdynand, Hernando, Ferdinandus, Ferran.

Leit mam Virnumm Ferdinand

Ënner de Leit mat deem Virnumm sinn:

• Louis-Ferdinand Céline (1894–1961), franséischen Dokter a Schrëftsteller
• Ferdinand Buisson (1841–1932), franséische Pedagog a Politiker
• Karl Ferdinand Braun (1850–1918), däitsche Physiker
• Ferdinand de Braekeleer den Alen (1792–1883), belsche Moler
• Ferdinand d'Huart (1857–1919), lëtzebuergesche Moler
• Ferdinand de Braekeleer de Jongen (1828–1857), belsche Moler
• Ferdinand Rodary (1855–1907), franséischen Eisebunnsingenieur an Erfinder
• Conrad Ferdinand Meyer (1825–1898), Schwäizer Schrëftsteller
• Ferdinand Kuhn (1899–1947), lëtzebuergeschen Eisebunner, Gewerkschaftler a Politiker
• Ferdinand Tönnies (1855–1936), däitsche Soziolog a Philosoph
• Ferdinand Weiler, lëtzebuergesche Foussballspiller

Kuckt och

• Lëtzebuergesch Virnimm
• Ferdinand (Homonymie), fir aner Begrëffer mam Numm Ferdinand
• De Familljennumm Ferdinand

Um Spaweck

Commons: Ferdinand – Biller, Videoen oder Audiodateien