Feldmouk

D'Feldmouk oder Gaardemouk (Bufo bufo), dacks einfach Mouk, ass e Fräschelurch aus der Gattung vun den Echte Mouken bannent der Famill vun de Mouken (Bufonidae).

Ausgesinn

Bei de Feldmouken a Mëtteleuropa gëtt de Männche bis zu néng Zentimeter laang, d'Weibche bis zu zwielef. Si weien tëscht 30 a 50 Gramm (Männchen) resp. tëscht 50 und 100 Gramm (Weibchen), och alt bis zu 150 Gramm, wa se voll Eeër sinn.

Hire Kierper huet uewendrop warzeg Hautdrüsen an e breede ronne Kapp, op deem sengem hënneschten Deel op den zwou Säite bounefërmeg Drüsen (Parotiden) sinn, an deenen e Gëft ass, dat Friessfeinden ofwiere soll. Uewendrop si se meeschtens gro- bis routbrong; d'Männercher sinn heiqnsdo schwaarzbrong oder och alt hell-leemfaarweg, iwwerdeems d'Weibercher éischter réitlech Téin hunn. Männchercher kënnen och donkel Flecken hunn. Ënner dem Bauch sinn d'Mouke knaschteg-wäiss, mat gro-schwaarze Flecken. D'Pupille sinn horizontal elliptesch geformt, d'Iris huet eng koffer- bis goldrout Faarf.

Mouken hu relativ kuerz hënnescht Been a beweege sech op véier Patte virun, wann et méi séier muss goen, maache se kleng Spréng. D'Männercher hunn eppes méi kräfteg viischt Been, an e méi flaache Kapp wéi d'Weibercehr a bleiwen, wéi gesot, méi kleng wéi déi.