Félix Tisserand

Den François Félix Tisserand, gebuer den 13. Januar 1845 zu Nuits-Saint-Georges, a gestuerwen den 20. Oktober 1896 zu Paräis, war e franséischen Astronom.

Félix Tisserand
Gebuertsnumm	François Félix Tisserand
Gebuer	13. Januar 1845 Nuits-Saint-Georges
Gestuerwen	20. Oktober 1896 Paräis
Doudesursaach	intrazerebral Bluddung
Nationalitéit	Frankräich
Educatioun	École normale supérieure
Aktivitéit	Astronom, Mathematiker
Member vun	Schweedesch Akademie vun de Wëssenschaften, Académie des sciences, Russesch Akademie vun de Wëssenschaften, Koninklijke Nederlandse Akademie van Wetenschappen, National Academy of Sciences, Société astronomique de France

Den Tisserand huet an der École normale supérieure Mathematik a Physik studéiert. Hie krut 1866 am Paräisser Observatoire eng Plaz als Adjoint a gouf 1873 Direkter vum Observatoire vun Toulouse, wou hie Professer gouf. Am Joer 1878 gouf hien zum Member vun der Paräisser Akademie vun de Wëssenschaften ernannt. 1883 gouf hien Nofollger vum Puiseux um Léierstull fir Himmelsmechanik op der Sorbonne zu Paräis. 1892 huet hien d'Leedung vum Paräisser Observatoire iwwerholl. Do huet hien d'Leedung vum Projet Carte du Ciel, wou de ganzen Himmel fotografesch kartéiert gouf. Gläichzäiteg huet hien e Fotoatlas vum Äerdmound initiéiert, den Atlas photographique de la lune. Dëse gouf eréischt zu der Zäit vun de Moundlandungen ofgeléist.

Wierkung

Als Unerkennung gouf e Äerdmoundkrater an der Géigend vum Mare Crisium no him genannt. Kuerz viru sengem Doud huet hien e Krittär fir d'Iwwerpréiwe vu Koméitebunnen entwéckelt, de Tisserandkrittär. Him zu Éiere gouf a senger Gebuertsuertschaft 1899 e Monument opgeriicht.

Schrëften

• Traité de mécanique Céleste. (4 Bänn)

Literatur

• William I. McLaughlin, Sylvia L. Miller: Im Schatten von Riesen. Spektrum der Wissenschaft 8/2005, S. 86 - 91 (2005)

Kuckt och

Portal Astronomie

Um Spaweck

Commons: Félix Tisserand – Biller, Videoen oder Audiodateien